Kontrollat financiare, të premten, në kantieret e ndërtimit në Baiersbronn të Gjermanisë kanë kapur katër hallexhi të cilët punonin në të zezë si mjeshtër ndërtimi. Poashtu ndaj një të pesti është ngritur edhe një ecuri penale se ka paguar në të zezë sigurimin dhe rrogën ndaj katër punëtorëve, njofton foldrejt.com, duke u bazuar te mediat gjermane.
Dy punëtorë nga Maqedonia e Veriut nuk kishin vizë pune, kurse dy tjerët nga Serbia qëndronin si turistë në Gjermani. Dy punëtorët nga Maqedonia janë dëbuar menjëherë nga Gjermania, kurse dy nga Serbia qëndrojnë akoma pranë organeve të drejtësisë pasi u ngarkohet vepra penale për falsifikim dokumentash.
Shefi i punëtorëve, poashtu akuzohet nga policia financiare se ka paguar një grup të madh bullgarësh me 70 euro në ditë kesh, kurse paga minimale është 125.5 euro për dhjetë orë punë. Pra rreth 50 euro më pak. Kjo bazuar në dëshmitë e vetë bullgarëve.
Shpresojmë që do vijë një ditë e mrekullueshme për shqiptarët dhe popujt tjerë, që të mos marrin gurbetin për të punuar në vend të huaj, por të qëndrojnë me shfrytëzimin e begative të pashtershme që na ka falë Zoti në trojet tona./Foldrejt.com
