Një 12 vjeçar nga Porta Westfalica është dëbuar sëbashku me prindërit dhe motrën e tij drejt Maqedonisë. Sipas informacioneve të para rreth orës 3 të mëngjesit, ata janë marrë nga policia në apartmentin e tyre në Eisbergen (Gjermani) dhe janë dërguar në aeroport për ti dëbuar drejt Maqedonisë. Një motër e 12 vjeçarit hë për hë ka mbetur në Gjermani, pasi ishte shtatzane.
Familja jetonte prej gjashtë vitesh në Porta Westfalica, kurse lajmi është bëri i ditur edhe nga trajneri i të rinjve në FSC Eisbergen, pasi djaloshi ishte pjesë e tij.
“Djaloshia luante prej gjashtë vjetësh me të rinjtë e FSC Eisbergen dhe gjatë kësaj jave duheshte të vinte në stërvitje. Por ai nuk erdhi më. Të shtunën luajti ndeshjen e fundit kundër FT Dützen, ku shënoi edhe golin e vetëm të klubit të tij. Të gjithë në klub jemi të zemëruar”, shkruante në Facebook trajneri Karsten Meier, përcjell foldrejt.com.
Drejtori i shkollës ku ndjekte mësimin 12 vjeçari, Axel Nagel është njoftuar për dëbimin të mërkurën në mëngjes. “Autoritetet nuk na njoftojnë neve për dëbimet,” tha ai. Nxënësit dhe mësuesit janë prekur shumë. Nagel shpreson që të riut nga Maqedonia i shkon mirë “atje poshtë”.
Në rrjetet sociale shumë gjermanë kanë komentuar kundër këtij dëbimi, duke theksuar se çdoherë personat e mirë integruar i gjen ky mallkim. Por më shumë faj në këtë çështje kanë politikanët e Maqedonisë, të cilët e kanë lënë vendin në këtë gjendje të mjerueshme dhe të izoluar, falë paaftësisë dhe korrupcionit të tyre. Edhe sa kohë do zgjasë kjo?
