Transmetuesi publik gjerman ARD raportoi se Gjermania dhe SHBA do të furnizojnë Ukrainën me transportues të blinduar të personelit, shkruan Al Jazeera, transmeton Fol Drejt.
Sipas një deklarate të kancelarisë, njoftimi erdhi pas një telefonate midis kancelarit gjerman Olaf Scholz dhe presidentit të SHBA-ve, Joe Biden të enjten.
Gjermania do të furnizojë forcat e armatosura ukrainase me mjetin luftarak të këmbësorisë Marder, i zhvilluar më shumë se 50 vjet më parë për ushtrinë gjermane, ndërsa SHBA do të dërgojë tanke luftarake Bradley.
Këto janë transportuesit e parë të personelit të blinduar të stilit perëndimor që pranohen nga Ukraina.
Gjermania e ka furnizuar Ukrainën me armë dhe pajisje ushtarake me vlerë 2.25 miliardë euro që nga fillimi i luftës, duke përfshirë obusët vetëlëvizës (pjesë artilerie të rëndë), tanke kundërajrore Gepard dhe sistemin anti-ajror Iris-T, i cili mund të mbrojë një qytet të tërë./FolDrejt/
