Gjermania po siguron mbështetje praktike për Shqipërinë, me theks të veçantë në menaxhimin e energjisë dhe ujit. Duke lansuar 168 milionë euro në fonde, Berlini synon të mbështesë perspektivën evropiane të Shqipërisë.
Grupi bankar gjerman KfW dhe organizata GIZ do të jenë në ballë të kësaj përpjekjeje gjatë dy viteve të ardhshme.
Kontributi gjerman në rimëkëmbjen ekonomike të Shqipërisë daton prej në vitet ’80. Si rezultat, Berlini ka alokuar në mënyrë kumulative deri tani 1 miliardë euro.
Ambasadorja gjermane në Shqipëri, Susanne Schutz, theksoi përpjekjet e Shqipërisë për t’u bashkuar me BE-në, duke shtuar se bashkëpunimi dhe mbështetja financiare nga Berlini është dëshmi e interesit të palës gjermane për Shqipërinë dhe Ballkanin Perëndimor në përgjithësi.
“Provat ekonomike tregojnë rëndësinë e madhe që qeveria federale gjermane ka treguar ndaj Shqipërisë në rrugën drejt integrimit evropian. Për 30 vitet e fundit ne jemi vazhdimisht pranë Shqipërisë dhe do të vazhdojmë të jemi një partner i besueshëm”, tha zyrtarja gjermane.
“Gjermania jo vetëm që siguron ndihmë financiare, por gjithashtu vepron si një konsulent. Ne e inkurajojmë Shqipërinë që të bëjë reformat e nevojshme, veçanërisht në fushat e drejtësisë dhe në luftën kundër krimit të organizuar dhe korrupsionit”, tha Susanne Schutz, duke theksuar se nuk ka shumë kohë, pasi një vendim për të ardhmen evropiane të vendit pritet në vitin 2019.
Grupi bankar gjerman, KfW do të ofrojë një hua prej 100 milionë euro, me qëllim të shtrimit të rrugës për investime në fushat e prodhimit të energjisë elektrike dhe të menaxhimit të ujit. Është vërejtur se industria e energjisë dhe hidrocentralet në Shqipëri kanë vështirësi të shumta./IBNA.
