Siç duket Gjermania nuk ka nevojë vetëm për qindra-mijëra mjekë, shoferë dhe punëtorë artizanalë, por edhe për ushtarë. Ministrja e mbrojtjes Ursula von der Leyen kërkon që të rekrutojë ushtarë nga shtetet tjera anëtare të BE, kryesisht nga Polonia, Italia dhe Rumania.
Kjo nuk është ide e re për Europën, pasi edhe Luksemburgu, Franca, Belgjika dhe Spanja kanë hapur dyert për të huajt në ushtri.
Por kjo iniciativë e shtetit gjerman ka sjell në kundërshtime të shteteve lindore europiane, pasi sipas tyre “ushtria është ngushtë e lidhur me nacionalitetin.”
203,000 ushtarë si qëllim
Edhe pa fillestarë nga vendet e tjera të BE-së, numri i ushtarëve të Bundeswehrit po rritet përsëri. “Ne arrijmë në fund të këtij viti shifrën e 182,000 ushtareve dhe ushtarëve, që është 2,500 më shumë ushtarë profesionistë dhe kohë se një vit më parë dhe një plus prej 6500 në krahasim me mesataren e 2016-tës”, i tha gazetës „Rheinische Post, ministrja e Mbrojtjes, Ursula von der Leyen (CDU). Me dymbëdhjetë për qind të grave, është arritur një nivel i ri. Sa e madhe do të duhet të bëhej ushtria gjermane, është “e varur nga gjendja e sigurisë dhe detyrat pasuese për trupat”, tha von der Leyen. Planifikimi aktual i personelit afatmesëm parashikon arritjen e shifrës së 203,000 ushtarëve deri në vitin 2025, duke përfshirë shumë forca të reja të tilla si siguria kibernetike ose projektet në kuadër të mbrojtjes brenda Bashkimit Europian.
Në Gjermani jetojnë 255 mijë polakë, 185 mijë italianë dhe 155 mijë rumunë mes moshave 18 deri 40 vjet.
