Barcelona humbi 3:5 kundër Villarrealit në një ndeshje të çmendur në shtëpi gjatë fundjavës dhe kështu uli ndjeshëm shanset e saj për të fituar kampionatin, dhe trajneri i tyre Xavi Hernandez tha në një fjalim dramatik pas ndeshjes se ai nuk do të jetë më trajneri i klubit katalanas pas përfundimit të sezonit.
“Më 30 qershor do të largohem nga klubi. Është një vendim që e kemi diskutuar me presidentin, me stafin… Barça ka nevojë për një ndryshim drejtimi”, tha trajneri i Barcelonës pas një tjetër humbjeje. Kampionia aktuale Barcelona është aktualisht e treta në La Liga dhe ka dhjetë pikë prapa liderit Real Madrid. Në deklaratat e mëvonshme, Xavi foli për problemet me të cilat përballet çdo ditë trajneri që drejton Barcelonën dhe presionin e jashtëzakonshëm nga mediat dhe tifozët.
“Është mizore dhe e turpshme. Të bëjnë të ndihesh i pavlerë çdo ditë. Pep më tha këtë, Valverde më tha, pashë Luis Enrique të vuante… Kemi një problem përsa i përket kërkesave. Nuk të pëlqen… i keni vënë jetën në vijë në çdo moment. Është mizore”, tha Xavi pas vendimit për të dhënë dorëheqjen.
Trajneri i Cityt që kaloi ndër sezonet më të mira me Xavin, Iniestan dhe Messin, Pep Guardiola, komentoi vendimin e ish-lojtarit të tij.
“Ne nuk mund ta krahasojmë presionin në Angli me presionin në Spanjë. Është një mijë herë më e vështirë atje”, tha ai.
“Presioni që ndjen në Barcelonë nuk është i dukshëm askund tjetër në botë,” Guardiola. ka thënë për mediat angleze”, shtoi tutje Pep.
Kujtojmë se Barcelona u eleminua nga Kupa e Mbretit nga Athletico në çerekfinale, ndërsa në Champions League do të përballen me Napolin në 1/16 më 21 shkurt. Xavi e ka drejtuar Barcelonën në 122 ndeshje deri më tani. Ai ka 76 fitore, 20 barazime dhe 26 humbje. Me Barcelonën, ai fitoi kampionatin spanjoll dhe Superkupën vendase në vitin 2023.
