Kryeministri i Kosovës Ramush Haradinaj dhe zëvendësi i tij Enver Hoxhaj pohuan për mundësinë e ndërprerjes së dialogut me Serbinë nëse çështja e liberalizimit të vizave për Kosovën nuk është në agjendë në muajin dhjetor.
Sipas Epoka e Re e Prishtinës, ata konsiderojnë një lidhje të arsyeshme ndërmjet këtyre dy proceseve, shkruan Al Jezeera Balkans, përcjell Foldrejt.com.
Haradinaj dhe Hoxhaj, sipas të përditshmes Epoka e Re, besojnë se nuk është e drejtë që Brukseli të bëj presion ndaj Kosovës për dialog, ndërsa në të njëjtën kohë nuk merr vendim për liberalizimin e vizave për Kosovën.
Zyrtarët e qeverisë së Kosovës u kanë premtuar qytetarëve të saj se do të marrin liberalizimin e vizave deri në fund të këtij viti.
Parlamenti evropjan mbështet hapjen e negociatave
Disa zyrtarë të BE-së kanë paralajmëruar në muajt e fundit se Kosova ende nuk i ka plotësuar të gjitha kriteret për marrjen e liberalizimit të vizave, saqë disa vende janë rebeluar publikisht edhe pse procesi është në vazhdë.
Në shtator, Parlamenti Evropian me 420 vota mbështeti hapjen e negociatave për liberalizimin e vizave për qytetarët e Kosovës. 186 deputetë ishin kundër saj, ndërsa 20 kishin abstenuar.
Më 18 korrik, Komisioni Evropian njoftoi se Kosova ka përmbushur të gjitha 95 kushtet dhe ka sugjeruar deri te BE-ja që të liberalizojë regjimin e vizave për qytetarët e Kosovës, të cilët janë të vetmit në rajon për të udhëtuar pa viza në vendet e Shengenit.
