Ministrja e Drejtësisë, Albulena Haxhiu ka vlerësuar se Gjykata Kushtetuese po i jep goditje Republikës së Kosovës, transmeton Fol Drejt.
Këto qëndrime Haxhiu i shprehu në konferencën për media pas vendimit të Gjykatës Kushtetuese për Ligjin për Këshillin Prokurorial.
“Është bërë injorimi i rekomandimeve dhe vlerësimeve profesionale të Komisionit të Venecias për këtë ligj. Është goditje për Republikën e Kosovës. Vlerësoj se Gjykata Kushtetuese po i jep goditje Republikës së Kosovës”, ka thënë ministrja Haxhiu.
“Ne do ta presim aktgjykimin e plotë. Jemi duke punuar në reformën në drejtësi dhe po presim vlerësimin edhe për byronë. Reformat janë të mëdha, të mundshme, se si Kosova do të bëhet shtet i së drejtës”, ka shtuar ajo tutje./FolDrejt/