Kryeministri në detyrë, Avdullah Hoti ka vizituar sot Shërbimin Spitalor të Qendrës së Klinikës Universitare të Kosovës.
Me këtë rast Hoti tha se shpreh falënderim për punën e jashtëzakonshme të bërë gjatë këtij viti, në kuadër të shëndetësisë. Ai tha se mënyra si mjekët e kanë menaxhuar me pandeminë është model dhe është bërë punë e jashtëzakonshme, në veçanti duke pasur parasysh resurset e kufizuara.
Hoti theksoi se pavarësisht telasheve, asnjë pacient nuk ka ardhur në situatë që të mos arrijë të shtrihet në spital.
“Tash jemi para një situate të re po presim që vaksinat të shpërndahet. Kemi bërë përpjekje maksimale që të jemi në mesin e vendeve të para që e marrim vaksinën”.
Ndërkaq, drejtori i Instituti Kombëtar i Shëndetit Publik, Naser Ramadani tha se është bërë punë gjigande në ballafaqimin me pandeminë, ku edhe pas sa muajve virusi ende është enigmatik.
“Do të vazhdojmë ballëhapur deri në fund, deri në rastin 0. Nuk do të ndejmë asnjëherë lodhje në punën tonë….Vetëm së bashku mund të ja dalim…”, tha ai.
Tutje Hoti shtoi se edhe tre apo katër muajt e ardhshëm janë të rrezikshëm sa i përket pandemisë COVID-19.
