Pasi Kosova futi taksat ndaj Serbisë dhe Bosnës dhe Hercegovinës për importimin e produkteve dhe fill pas kësaj vijoi edhe marrëveshja midis Shqipërisë dhe Kosovës, shumë kush e shohin këtë veprim si fillimi i bashkimit të këtyre dy vendeve.
Në një intervistë për të përditshmen kroate Vecernji List, Ministri kosovar i punëve të jashtme Enver Hoxhaj u deklarua se “Serbia nisi një fushatë agresive kundër Kosovës në shkallën ndërkombëtare. Gjithashtu ajo minimizon procesin e normalizimit. Prandaj për të mbrojtur interesin tonë, Qeveria e Kosovës vendosi të rrisë taksat. Masat e reja do të shpallen së shpejti”, përcjell Foldrejt.com.
“Është e qartë për të gjithë, kur Serbia shkaktoi një krizë me Kosovën atëherë ajo është sfiduese edhe me Kroacinë apo Maqedoninë dhe Malin e Zi. E vërteta është se Serbia ka marrëdhënie të mira vetëm me Republikën Sërbska dhe me askënd tjetër … A nuk është kjo e çuditshme”… deklaron Hoxhaj.
Gjatë qëndrimit të tij në Kroaci, Maqedoni dhe Mal të Zi, Hoxhaj bisedoi me krerët e këtyre shteteve për të krijuar një pakt për të luftuar Serbinë dhe politikën e tyre agresive.
Edhe pse të gjithë besonin se vota për hyrjen e Kosovës në Interpol do të ishte thjesht një formalitet, kjo nuk ndodhi për shkak të fushatës agresive serbe. Qeveria e Kosovës menjëherë e ktheu goditjen duke futur një taksë doganore prej 100% për mallrat e importuara nga Bosna dhe Hercegovina dhe nga Serbia.
Sa ka ndikuar kjo lëvizje te Presidenti serb Aleksandar Vuçiç dhe qeveria serbe, flet edhe mbarvajtja e seancës së Këshillit të Sigurisë Kombëtare në të cilën Vuçiq tha se Prishtina nisi një luftë të vërtetë tregtare dhe kjo sipas tij ka çuar në situatën më të vështirë në 10 vitet e fundit.
