Së fundmi ka filluar një fushatë kundër blerjes së produkteve me origjinë serbe.
Për këtë madje është krijuar një grup në rrjetin social Facebook me emrin “Mos bli prodhime serbe“, e cila për një kohë relativisht të shkurtër ka arritur të grumbullojë mbi 100,000 anëtarë.
Për këtë së fundmi kanë folur figura me ndikim në shoqërinë kosovare, e ndër ta edhe hoxhallarë të shumtë, e njëri prej tyre i cili ka folur 9 vjet më herët për këtë temë është hoxha nga Mitrovica, Ekrem Avdiu.
“Unë shumë fuqishëm jam për atë që produktet e Serbisë të bojkotohen nga kosovarët. Mendoj se e kemi një lloj obligimi moral që ta bëjmë një gjë të tillë për arsye se në kohët më të vështira për neve si popull edhe për vendin tonë, është Serbia që na i ka shkaktu dhe shteti serb ende nuk ka kërkuar falje për krimet dhe agresionin e bërë në vendin tonë”, ka thënë hoxhë Ekrem Avdiu.
“Pavarësisht se lufta është ndalë, unë më përgjegjësi e them se disponimi i shtetit serb është ende armiqësor për neve kosovarëve. Andaj, është shumë e pamatur dhe e palogjikshme që ne të shkojmë tek ata që armiqësisht janë të disponuar ndaj nesh e të blejmë produkte prej tyre. Kështu, paraja jonë po shkon në Serbi e Serbia po fuqizohet, ndërsa ne po varfërohemi t’u i ble ato produkte.”, ka thënë ndër të tjera hoxhë Avdiu.
Më poshtë mund ta ndiqni videon e plotë të hoxhës së njohur mitrovicas:
