Njerëzit me pagjumësi të lehtë dhe të rëndë kanë një rrezik më të madh për goditje në tru pas rreth 10 vjetësh, krahasuar me njerëzit pa pagjumësi, sipas një studimi të Universitetit të Michiganit, raporton AA, përcjell Fol Drejt.
Studimi i Institutit për Kërkime Sociale të Universitetit të Michiganit – Lidhja ndërmjet simptomave të pagjumësisë dhe trajektores me rrezikun e goditjes në studimin e shëndetit dhe pensionit – u botua nga revista shkencore Neurology të mërkurën.
Wendemi Sawadogo, shefi i ekipit hulumtues, theksoi se njerëzit me pagjumësi të rëndë kanë gjithashtu diabet, hipertension, sëmundje të zemrës dhe depresion, gjë që rrit më tej rrezikun e goditjes në tru.
Nga viti 2002 deri në vitin 2020, Sawadogo dhe ekipi i tij vëzhguan njerëz “të cilët ishin pa goditje në fillim”, ku 57% e atyre në grupin e studimit ishin gra në një moshë mesatare 61 vjeç.
Studimi zbuloi se rreziku i goditjes në tru është më i lartë tek njerëzit me pagjumësi nën 50 vjeç, krahasuar me ata mbi 50 vjeç që nuk kanë pagjumësi.
Ka shumë terapi për të ndihmuar në përmirësimin e cilësisë së gjumit, vuri në dukje Sawadogo, duke theksuar rëndësinë e diagnostikimit dhe trajtimit të hershëm për të zvogëluar rrezikun e goditjes në të ardhmen.
Duke nënvizuar se njerëzit me pagjumësi nuk e shohin atë si një sëmundje, Sawadogo theksoi se është e rëndësishme të rritet ndërgjegjësimi për pagjumësinë. /FolDrejt/
