Partia në pushtet BDI, e cila para pak kohësh ankohej në Dibër që votimi për kryetar të përkohshëm të Dibrës duhej të bëhej me alfabetin qirilic dhe jo me atë latin/shqiptar, tashmë ka filluar të akuzojë këshilltarët e Aleancës se janë takuar me grupe interesi dhe po bllokojnë buxhetin e komunës për vitin 2019.
Në deklaratën e këshilltarit të BDI, z. Fuat Spahiu, ai konkretisht shprehej:
“Grupi i këshilltarëve të BDI dhe kryesia e BDI me vëmendje të shtuar dhe shqetësim ka analizuar zhvillimet e fundit politike lokale në qytet.
Nga analiza e gjithëanshme na rezulton se kryetari i partisë politike Aleanca, z.Ilirjan Fetahu, nga momenti i zgjedhjes së z.Eugjen Camit për kryetar të përkoshëm, në emër të Komunës Dibër, në emër të Këshillit dhe në emrin e vet personal, ka dhënë premtime në kuriz të buxhetit që propozohet.
Nga verifikimi i informacioneve rezulton se kryetari i Aleancës në fyerje direkte të të gjithë këshilltarëve të tjerë, duke qene vecse 1/15 antar i këshillit dhe në mos respekt të kryetarit të përkohshëm, ka premtuar shuma parashë ndaj individëve dhe grupeve të caktuara, ka premtuar pagesa duke favorizuar biznese të caktuara, pa u ndjekur rënditja që vetë komuna ka për pagesa.
Mënyra se si Z.Ilirjan Fetahu në këto ditë e ka trajtuar pushtetin, është alarm për të ardhmen e komunës. Ilirjan Fetahu, në kuadër të Aleancës ka vecse 517 vota, ndërsa e gjithë partia me 3 këshilltarë ka 1553 vota qytetarësh.
Ne si këshilltarë komunal, të BDI në të gjitha mandatet, duke pasur edhe trefishin e besimit të qytetarëve nuk kemi guxuar që të fusin duart në buxhet, vecse për përfitime personale dhe partiake.
Madje as kryetari i ndjerë Ruzhdi Lata i cili kishte mandat direkt nga qytetarët njëherë me 6056 vota dhe herën e dytë me 4500 vota, nuk e trajtoi kurrë buxhetin e komunës si pasuri personale të tijën. Nuk bëri kurrë premtime parashë dhe pazare me buxhetin e komunës.
Nuk e dimë shkakun e kësaj sjellje të kryetarit të Partisë Aleanca, ndoshta është zell i tepruar për pushtet, dashakeqsi apo injorancë në punët e qeverisjes.
Gjithashtu apelojmë tek të gjithë individët, bizneset dhe qytetarët, që të mos mashtrohen nga premtimet e 1 individi, buxheti i komunës Dibër është buxhet i të gjithë qytetarëve dhe jo i një njëriu edhe partie.
Qeveria qëndrore të githë komunat në Maqedoni i ka ndihmuar duke paguar 51% të shpenzimeve të prapambetura.
Gjithashtu potencojmë se borxhi i komunës Dibër, është një ndër borxhet më të ulta në krahasim me komunat tjera.
Krejtësisht të pavërteta janë të dhënat e publikuara na z.Ilirjan Fetahu në rrjetet sociale. Borxhi i komunës Dibër është aq i ulët, vecse për meritë të kryetarit të ndjer Ruzhdi Lata, që me aftësitë e tij të jashtëzakonshme menaxhuese, fitonte grante dhe financime për investime, jasht buxhetit komunal. Një aftësi dhe përvoj të tillë besojmë se z.Ilirian Fetahu nuk e ka.
Ne si këshilltarë të BDI-së jemi në shqetësuar për propozim buxhetin dhe për këtë arsye do kërkojmë kohë shtesë për analizë dhe menjanim të manipulimeve eventuale të bëra në kurriz të buxhetit të përbashket.”
Ndaj kësaj deklarate të Fuat Spahiut, ka reaguar edhe profesori i respektuar i matematikës, z. Ilirjan Fetahu në rrjetet sociale:
“Qendrimi i njejte, ndryshon menyra,
Njelloj si ne Gostivar,ashtu edhe ne Diber, BDI tenton te pengoj miratimin e buxhetit per vitin 2019, duke gjetur alibi nga me qesharake, permes genjeshtres dhe shpifjes te pengojne zhvillimin normal te qytetit.
Akuza direkte ndaj meje se kam biseduar me biznese apo grupe te caktuara per te perfituar ne kurriz te buxhetit te qytetit. I ftoj publikisht te gjitha provat qe kane se jam takuar, kam biseduar apo kam telefonuar ndonje biznes qe nga koha kur z. Eugjen Cami u zgjodh per kryetar te perkoheshem te qytetit per te favorizuar dike pa te drejte ta publikojne apo ta ngrejne ceshtjen ne cilen do gjykate qe ato mendojne. As nuk jam takuar me ndonje pronar biznesi, as nuk kam biseduar per favorizime, as nuk kam telefonuar dike per te dale jashte rregullave per pagese borxhesh apo favore ne prokurorime publike. Te vetmin takim qe kam pasur (bashke me nje kolegun tim te Beses) e kam pasur me perfaquesit e sportit qe veprojne ne Diber, me qellim qe kerkesat e tyre finaciare te perfishihen ne buxhetin e 2019. Te njejtat kerkesa i kam parashtruar edhe ne Komisionin per perpilimin e buxhetit, ne prani edhe te perfaqsuesve te BDI-se. Ne dijenin time, pagesa e borxheve nga ana e Komunes behen permes planifikimit ne buxhet dhe ka rregulla strikte ne rradhitjen e firmave,rregulla te cilat nuk behen nga individe por nga ligje.
Sa i takon borxhit qe ka Komuna Diber te cilen e kam publikuar ne rrjetet sociale eshte nje e dhene te cilen e kane te gjithe keshilltaret,edhe ato te BDI-se. Po kam deklaruar qe deri me date 30.09 2018 borxhi ka qene me shume se 1.700.000 euro dhe se kam pasur dyshime qe ki borxh duhet te jete akoma me i madh.Dhe kam pasur te drejte.
Borxhi ndaj firmave private i Komunes deri me date 30.11.2018 eshte 133.979.358den (mbi 2.100.000 euro)
Keto jane te dhena nga sektori i ekonomise,te dhena qe i kane edhe keshilltaret e BDI-se.
Per me shume se 40 vjet qe jetoj ne Diber nuk di te kem kryer ndonje veper qe do cenonte interesin e ndonje bashkeqytetari apo te vendlindjes time. Nuk kam vjedhur ndonje prone publike qe pastaj permes legalizimit ta kthej ne prone private, nuk kam shfrytzuar, nuk kam hapur dhe nuk do kem asnjehere ndonje firme private per te perfituar nga BUXHETI i komunes,nuk kam perfituar nga funksioni per te punesuar antare te familjes ne administraten komunale,nuk kam vjedhur te dhenat personale te bashkeqytetareve per perfitime materiale,familjarisht kam qene i rregullt ne te gjitha pagesat komunale(uji, taksa mbi pronen,etj.)dhe nuk do perfitoj asnjehere nga funksioni publik per te mos paguar obligimet qe me takojne si qytetar i ketij qyeti.Nuk kam mbushur makinen me nafte nga buxheti per interesa personale.
Nuk kam vepruar dhe asnjere nuk do veproj ne dicka qe eshte ne kundershtim me interesat e qytetit tim.Per kete ju siguroj!
Faleminderit qe akoma me shume me forcuat besimin se jam ne anen e drejte, perball JUSH!,” ka shkruar mes tjerash Fetahu, informon foldrejt.com.
