Cristiano Ronaldos së shpejti mund t’i bashkohet në Al-Nassr ish-bashkëlojtari i tij në Real Madrid, Keylor Navas.
Disa burime raportojnë se klubi ambicioz nga Arabia Saudite synon të joshë portierin e PSG-së, i cili është i lidhur me kontratë me gjigantin francez edhe për 18 muaj të tjerë.
Al-Nassr mund të vendosë për këtë lëvizje për shkak të dëmtimit të portierit të parë, ish-anëtarit të Arsenalit, David Ospina.
Sipas Marca, klubi tashmë ka nisur negociatat për të sjellë Navasin në klub deri në fund të sezonit.
Kujtojmë se Ronaldo dhe Navas kaluan katër vjet së bashku në Santiago Bernabeu (2014 – 2018)./FolDrejt/
