Transportuesi me shumicë Matros Pozynich vazhdon të eksportojë grurë me shumë gjasa të vjedhur në Ukrainë në Tartus të Sirisë. Këtë e ka bërë të ditur Yoruk Isik, vëzhgues i trafikut përgjatë ngushticës së Bosforit, transmeton Ukrinform, përcjell Fol Drejt.
“Rusia dyfishon plaçkitjen e grurit gjatë kryerjes së terrorizmit me raketa në Ukrainë: bulkeri i flamurit rus Matros Pozynich kaloi tranzit nga Bosfori në drejtim të Medit gjatë rrugës nga Sevastopoli i pushtuar në Tartus të Sirisë duke transportuar 27000 ton grurë të vjedhur”, thuhet në raport.
Videoja e ngarkuar tregon anijen duke lëvizur nëpër Bosfor.
Yoruk Isik tregon për “kontrabandën e sofistikuar të Rusisë” që ka përdorur “manifeste të falsifikuara” dhe “marrëveshje në det” për të vjedhur grurin ukrainas me vlerë miliarda dollarë.
Eksperti e sheh veprimin si “krim lufte”, të kryer nga ndërmarrjet në pronësi të shtetit.
Siç raportoi më herët Yoruk Isik, përveç grurit, Rusia transporton përmes Bosforit mallra ushtarake të sanksionuara, duke përfshirë karburantin e aviacionit për Forcën Ajrore, ngarkesat teknike për ushtrinë e saj dhe eksportet e mbrojtjes në Azi të maskuara si ngarkesa civile. /FolDrejt/
