Burimet e medias gjermane “Deutsche Welle” kanë zbuluar se Hungaria ka ndihmuar ish kryeministrin Nikola Gruevski që të arratiset nga Shkupi në Budapesht, poashtu Budapeshti zyrtar është një shtet tjetër që mund të kthehet në Greqi të dytë për Maqedoninë, përcjell foldrejt.com.
Arratisja e ish kryeministrit maqedonas Gruevski është një ‘thriller’ politik e mbështetur nga padroni Viktor Orban. “Histori interesante, si në të gjitha krimet,” shkruan më tej media gjermane.
Gruevski u dënua me dy vjet burg nga Gjykata e Maqedonisë, kurse ndaj tij rëndojnë edhe katër akuza tjera penale. Gjatë kohëve të fundit në Maqedoni, Gruevski ka qëndruar shpesh në hotelin Marriot, në pronësi të kushëririt të tij Sasho Mijalkov. Ky i fundit ka qëndruar në këtë hotel deri në arrestimin e tij në 21 nëntor.
Foldrejt.com ju sqaron itinerarin e lëvizjeve të Gruevskit, çfarë dihet deri tani:
8 nëntor: Gruevski shihet përherë të fundit në hotel Marriot. Në mbrëmje ai lëshon hotelin, kurse pak çaste më parë aty shihen vetura të përfaqësuesve diplomatik hungarez që shërbejnë në Beograd. Po ato momente, Gruevski tërheq 100 mijë euro nga bankat maqedonase. Gruevski përdorte katër adresa vendbanimi në Shkup, ku dy prej tyre shërbenin si fiktive, për t’ju shmangur arrestimeve.
10 nëntor: Në vend që Gruevski të shfaqet në burg, tashmë ai ndodhet në ambasadën hungareze në Tiranë. Vetura diplomatike hungareze e ndihmon atë që ta dërgojë nga Tirana, përmes Malit të Zi dhe Serbisë drejt në kufirin e Hungarisë – i cili arrin mëngjesin e 12 nëntorit.
13 nëntor: Gruevski paraqitet në Hungari dhe thotë se ka aplikuar për azil, pasi ka marrë “kërcënime me vdekje”.
20 nëntor: Hungaria ia njeh kërkesën për azil. Gruevski hë për hë nuk mund të ekstradohet në Shkup.
Në datën 11.11.2018 për shtetasin Nikola Gruevski nuk ka patur asnjë njoftim në kufi apo shpallje si person në kërkim. Interpol Shkupi në datë 13.11.2018, rreth orës 19.35 i ka dërguar Interpol Tiranës njoftimin për shpallje në kërkim ndërkombëtar për këtë shtetas. Kjo tregon se Gruevski mund të ketë pasur një “ndihmë” nga një pjesë e qeverisë maqedonase, që poashtu ka probleme lobimesh.
Problemi i Maqedonisë në NATO
Qeveria (sorosoiste) e Maqedonisë dhe qeveria (anti-sorosoiste) e Hungarisë kanë tensionuar marrëdhëniet pas ngjarjes së Gruevskit. Vitin e ardhshëm pritet që Maqedonia të anëtarësohet në NATO, kjo pasi po shkohet drejt finalizimit të Marrëveshjes së Prespës me Greqinë. Frika e Maqedonisë: Hungaria mund të kthehet makthi i radhës i Shkupit zyrtar, në bllokimin me veto në NATO, por edhe në BE. Kjo nëse qeveria Zaev, por kryen presion të shtuar në Causa Gruevski.
“Greqia bllokoi rrugën euro-atlantike të Maqedonisë prej dy dekadash,” thotë publicisti maqedonas Saso Ordanoski rreth situatës së fundit. “Një Greqi tjetër nuk i duhet Maqedonisë, dhe Orban e dije këtë.”
Politologu hungarez András Rácz beson se Hungarisë nuk i intereson një eskalim.
“Deri tani, politika hungareze mbi Ballkanin ka qenë koherente dhe pragmatike,” thotë Rácz për DW. “Një bllokim kundrejt Maqedonisë do dëmtonte shumë Hungarinë në BE dhe gjithashtu do provokonte aletatët në NATO dhe SHBA. Andaj qeveria e Orbanit po mundohet të luajë me rastin dhe të reduktojë gjithë kërkesat juridike.”/Foldrejt.com
