Ish ministri i jashtëm serb Vuk Jeremic thotë se për idenë e ndarjes së Kosovës ka lobuar ndihmësi i fushatës së presidentit Donald Trump, Corey Levandovski, i biri i George Soros, Aleksandër si dhe lobisti Wolfang Petritsch. Ai këto komente i ka bërë për median austriake “Der Standard”.
“Në palën serbe është mbajtur absolutisht e fshehtë ideja e ndarjes së Kosovës nga presidenti Aleksandër Vucic. Kjo çështje do ishte e vështirë për të arritur konsensus ose mbështetje nga shumica e banorëve të Serbisë – çfarë është e nevojshme për një shtet demokratik. Tani bëhet fjalë për korrigjim të kufijve në baza etnike,” thotë Jeremic, duke shtuar se Vucic do ishte i gatshëm të dhuronte Luginën e Preshevës për Kosovën, përcjell foldrejt.com.
Më tej Jeremic thotë se herën e parë për idenë e ndarjes së Kosovës ka dëgjuar gjatë udhëtimit të Tony Blair në Gjermani – për të bindur kancelaren Angela Merkel.
“Merkel është e vetmja shefe qeveritare perëndimore që ka kundërshtuar hapur idenë e korrigjimit të kufijve,” tha më tej Jeremic. Ai më tej shton se kjo duket e rrezikshme se kjo ide nuk mund të përfundojë në Ballkan me Serbinë dhe Kosovën. “Nëse Kosova pas korrigjimit të kufijve do bashkohej me Shqipërinë, atëherë një gjë të tillë do kërkonin edhe shqiptarët e Malit të Zi dhe Maqedonisë.”
Sipas ish ministrit të jashtëm serb Edi Rama, Hashim Thaçi dhe Aleksandër Vucic kanë raporte shumë të mira dhe po punojnë sëbashku për këtë ide të rrezikshme. Kjo të kujton kohën e Sllobodan Milloshevicit dhe Franjo Tuxhman, të cilët kishin raporte të afërta mes veti – por më pas sollën edhe luftën mes kroatëve dhe serbëve.
Jeremic pranon se Serbia ka dhënë shumë para për lobistë të ndryshëm perëndimorë, por pë sa shifër bëhet fjalë nuk mund të kuptohet, pasi “Serbia është kthyer në një autokraci korruptive”.
Në fund ish ministri i jashtëm thekson se shansat për një ndarje të Kosovës mund të jenë 50 përqind, pasi kundërshtohet ashpër edhe nga shumica serbe (gjithashtu edhe kisha ortodokse) dhe shumica e banorëve të Kosovës.
BE do ishte më mirë që të sillte perspektivë europiane për shtetet e Ballkanit Perëndimor, sesa të mendojë për zgjidhje të tilla të lehta në dukje, por të rrezikshme. /Foldrejt.com.
