Një person ka mbetur pa patentë shofer për tre muaj, pas kundërvajtjes që ka shkaktuar në trafik, transmeton Fol Drejt.
Siç njofton policia, gjatë patrullimit kanë hasur në një vozitës, i cili duke drejtuar automjetin e tij tejkalon në vijë të plotë dhe në vende kalim të shënjuar për këmbësorë me të cilin veprim ka rrezikuar pjesëmarrësit e tjerë në komunikacion dhe ka rënë ndesh me rregullat e trafikut.
Zyrtarët policorë kanë arritur që ta ndalin vozitësin ndaj të cilit kanë shqiptuar gjobën kundërvajtëse në vlerë prej njëqind e pesëdhjetë (150) euro, dy (2) pikë negative dhe i është konfiskuar patentë shoferi me masën e përkohshme të ndalimit të vozitjes për tre (3) muaj./FolDrejt/