Dekreti i ri kërkon të “udhëheqë Islamin”, pasi vazhdon lufta kundër myslimanëve dhe simboleve islame.
Kina ka miratuar një ligj të ri që kërkon të “Kinizojë” (të bëj kinez në karakter ose në formë) Islamin brenda pesë viteve të ardhshme, veprimi i fundit nga Pekini për të rishkruar se si praktikohet feja.
Gazeta kryesore e Kinës, Global Times, raportoi të shtunën se pas një takimi me përfaqësuesit e tetë shoqatave islame, zyrtarët qeveritarë “ranë dakord të përshatnin Islamin për të qenë në përputhje me socializmin dhe për të zbatuar masat për të ‘kinizuar’ fenë”.
Gazeta nuk dha detaje të mëtejshme ose emrat e shoqatave që ranë dakord për dekretin.
Kina ka ndërmarrë një fushatë agresive të “kinizimit” gjatë viteve të fundit me grupe besimi që u toleruan në të kaluarën duke parë liritë e tyre të tkurrura nën pushtetin e presidentin kinez Xi Jinping, udhëheqësi më i fuqishëm i Kinës që nga Mao Ce Duni.
Praktikimi i Islamit është ndaluar në pjesë të Kinës, me individë të kapur duke u lutur, duke agjëruar, duke rritur mjekër ose duke veshur hixhab, shami të veshura nga shumë gra myslimane që e ndjejnë se është pjesë e fesë së tyre, duke u përballur kështu me kërcënime dhe arrestime.
Sipas OKB-së, më shumë se një milion muslimanë ujgurë vlerësohen të mbahen në kampet e internimit ku ata janë të detyruar të braktisin fenë dhe të bëjnë betimin ndaj Partisë Komuniste ateiste në pushtet.
Shoqatat për të drejta kanë akuzuar Kinën për përfshirjen në një fushate të spastrimit etnik. Në gusht, një editorial i Washington Post tha se bota “nuk mund të injorojë” fushatën kundër myslimanëve.
Minaret dhe kupat islamike janë zhveshur nga xhamitë, dhe sipas agjencisë së lajmeve të Associated Press, shkollat fetare dhe klasat arabe janë ndaluar dhe fëmijët ndalohen të marrin pjesë në aktivitetet muslimane.
Kina ka hedhur poshtë kritikat, duke thënë se ajo mbron fenë dhe kulturën e pakicave të saj.
Megjithatë, vetëm në javën e kaluar, autoritetet në provincën e Yunnan të Kinës, që kufizohet me Mynamar, kanë mbyllur tre xhami të krijuara nga pakica etnike të margjinalizuara të muslimanëne Hui, raportoi South China Morning Post. /aljazeera.com.
