Kryetari i Kuvendit të Kosovës, Glauk Konjufca, ka shprehur ngushëllime pas lajmit për vdekjen e akademikes Edi Shukriu.
Konjufca ka ngritur lart figurën e Shukriut, duke thënë se ka lënë gjurmë të pashlyeshme në fushën e shkencës, letërsisë, historisë, arkeologjisë, kulturës dhe mendimit politik.
“Edi Shukriu dha kontribut të pazëvëndësueshëm në pavarësinë dhe zhvillimin e shtetit të Kosovës. Akademikja Shukriu njëkohësisht ishte shembulli i gjallë i gruas së angazhuar e aktiviste me pjesëmarrjen e saj në proceset kyçe nëpër të cilat kaloi populli dhe shoqëria jonë.
Trashëgimia që e la pas mbetet për t’u studiuar e kujtuar.
Ngushëllimet e mia më të sinqerta për familjen e saj, bashkëpunëtorët, për Akademinë e Shkencave dhe të Arteve të Kosovës dhe mbarë kombin shqiptar.”, ka thënë Konjufca./FolDrejt/
