Kryebashkiaku i Tiranës, Erion Veliaj, bashkë me kryetarët e qyteteve të Marsejës, Lionit, Athinës, Firences, Helsinkit, Oslos, Rigës dhe Tiranës vizituan Kievin.
Bashkë të premten më 19 gusht dhe ratifikuan një memorandum mirëkuptimi në ‘praninë’ e Volodymyr Zelensky për një rindërtim të qëndrueshëm të qyteteve të Ukrainës, sipas një njoftimi për shtyp, shkruan France24, transmeton Fol Drejt.
Kryetari i bashkisë së Marsejës, Benoit Payan, tha se memorandumi përfaqëson “synimin për të vendosur veprime të përbashkëta” dhe shtoi se konfirmon ambicien për të mundësuar një rindërtim të shpejtë dhe ekologjik, sapo të vendoset paqja, duke respektuar “shtetin e ligjit. , si dhe të drejtat civile dhe sociale të popullsisë.”
“Marseja do të mbetet me popullin ukrainas dhe Odesa, një qytet binjak me Marsejën. Nisma do të mundësojë një koordinim më të mirë të ndihmave humanitare midis qyteteve evropiane dhe ukrainase”, shtoi Payan dhe kujtoi se Marseja dhe Odesa janë binjakëzuar prej 50 vitesh.
Sipas tij, pothuajse 450 tonë donacione janë dërguar nga Marseja në Ukrainë që nga fillimi i pushtimit rus./FolDrejt/
