Kryeministri i Republikës së Kosovës, Albin Kurti, në një intervistë për “Der Standard”, ka krahasuar Serbinë me Rusinë, duke thënë se Serbia luan rolin e Rusisë në Ballkan.
Kurti, ka përmendur edhe “interesimin” e Rusisë dhe Putinit për Kosovën, ngase sipas Kurtit, Putini e urren që Kosova është një histori suksesi e NATO-s.
“Putini flet për Kosovën çdo javë. Ai është i fiksuar pas Kosovës. Ai mendon se Iraku dhe Afganistani ishin dështime dhe e urren që Kosova është një histori suksesi i NATO-s”, është shprehur Kurti.
“Serbia luan rolin e Rusisë në Ballkan. Ajo e sheh Republikën Srpska në të njëjtën mënyrë si Rusia e sheh fqinjin e saj Bjellorusinë, domethënë si një rajon nën kontrollin e saj”, ka shtuar ai, duke theksuar njëkohësisht se e shqetëson neutraliteti i Perëndimit karshi neutralitetit të shtirur të Serbisë./FolDrejt/