“Përkundër problemeve që ekzistojnë, qytetarët shqiptarë do të marrin atë që meritojnë, ndërsa qeveria e tyre është e angazhuar për bashkëpunim rajonal”.
Kjo u deklarua sot nga Kryeministri shqiptar Edi Rama nga Viena në një konferencë shtypi me homologun e tij austriak, Sebastian Kurz dhe Komisionerin e Zgjerimit të BE-së, Johannes Hahn.
Duke qenë pjesëmarrës në takimin e liderëve të Ballkanit Perëndimor, Rama tha se ishte mirënjohës për qasjen e treguar nga zyrtarët evropianë për integrimin e këtyre vendeve, por edhe për procesin e liberalizimit të vizave të Kosovës.
“Për vendet e Ballkanit Perëndimor, qendrimi në Austri është sikur të jemi në shtëpi. Jemi shumë të përkushtuar ndaj procesit të bashkëpunimit rajonal dhe mirënjohës për punën që po kryen komisioneri Hahn. Ne po u qasemi sfidave që kanë të bëjnë me bashkëpunimin dhe ne e kuptojmë se kjo është një proces ku asgjë nuk është e lehtë dhe asgjë nuk merret si e mirëqenë, por unë jam i sigurt se do të kapërcejmë çdo problem dhe do t’u japim qytetarëve tonë atë që meritojnë “, tha Rama./ibna
