Remko Pasveer, portier i Holandës, ka arritur ta bëjë realitet ëndrrën e tij për të luajtuar për Kombëtaren e Holandës. Portieri i Ajaksit ka debutuar për holandezët në moshën 38 vjeçare në takimin kundër Polonisë në Ligën e Kombeve.
Pasveer në “Euro 2006” me U-21 të Holandës kishte arritur që të bëhet kampion europe në finale kundër Ukrainës. Ajo finale ishte luajtur më 4 qershor 2006 dhe më 22 shtator 2022 u bënë 16 vite që Pasveer priti ta bëjë realitet ëndrrën e tij që të jetë pjesë e historisë së futbollit për Kombëtaren e Holandës.
Pasveer gjithë karrierën e tij e ka kaluar në ligën holandeze “Eredivisie”. Aktualisht është pjesë e Ajaksit, ndërsa në të kaluarën ka luajtur në Twente, Heracles Almelo, Go Ahead Eagles, PSV dhe Vitesse. Portieri holandez ka fituar tre tituj të ligës holandeze, dy superkupa dhe titullin e kampionatit europian me të rinjtë e Kombëtares së Holandës./G.O/FolDrejt/
