Ministri i Jashtëm rus Sergei Lavrov tha sot në Minsk se Perëndimi po përdor Ukrainën për të krijuar një kërcënim të drejtpërdrejtë ndaj interesave jetike të Rusisë.
Lavrov, në një konferencë të përbashkët për shtyp me kolegun e tij bjellorus, Vladimir Makej, vuri në dukje se Perëndimi kërcënoi drejtpërdrejt interesat jetike të Rusisë dhe Bjellorusisë, duke e shtyrë Kievin në konflikt me Moskën, raporton Reuters, përcjell Fol Drejt.
Lavrov tha se Moska do të bënte gjithçka për të ndryshuar atë që ai e quajti qëndrimin “kolonial” të zyrtarëve të BE-së dhe NATO-s ndaj Rusisë, të cilën ai e akuzoi se synon të dobësojë dhe mposht Moskën./FolDrejt/