Albanologët Franc Nopça dhe Robert Elsie kanë shkruar për shqiptarët. Në librat e tyre të njohur flitet edhe për fiset më të vjetra të shqiptarëve dhe vitet kur janë krijuar ato, informon Fol Drejt.
Sipas tyre, shumica e fiseve më të mëdha shqiptare, si fjala vjen: i Hotit, Berishës, Kastratit, Shalës, Shkrelit, Shoshit, Nikajt, Merturit, Krasniqit, Gashit, Bytyqit dhe Bobit, dalin në shesh në dokumentet e shekullit të XIV, në fillim përmes mbiemrave.
Edhe pse kronologjia e mëposhtme mund të ketë lëshime, ajo mund të shërbejë mjaft mirë si udhërrëfyes për caktimin e datave dhe zanafillës së fiseve dhe të shoqërisë fisnore shqiptarë ne përgjithësi:
Stërgjyshi paraardhës i Berishës jetoi në Berishë rreth vitit 1300;
Stërgjyshi paraardhës i Kelmendit rreth vitit 1400;
Vendosja dhe ngulmimi i Shalës rreth vitit 1430;
Disa barinj u vendosën në Qelëz (Kabash) 1450;
Kelmendi pushton rajonin në rrethin e Gucisë 1460;
Arritja e Thaçit në kodrën e Thaçit 1480;
Arritja e Murr Detit në Berishë 1480;
Can Gabeti i cili jetoi në Shllak 1480;
Keq Preka, stërgjyshi dhe paraardhësi i fisit të Hotit 1520;
Në Grudë vendoset refugjati nga Suma 1550;
Ngulmimi i Merturit në malin Straziçe 1550;
Arritja e stërgjyshit të paraardhësit të Nikajt 1550;
Arritja e njërit prej paraardhësve të fisit Kiri 1550;
Arritja e banorëve të tashme të Lohjes 1590;
Zgjerimi i Merturit në malin Shllumë 1590;
Gjerimi i Merturit në Brisë 1590;
Dedli vendoset në malin Veleçik 1590;
Thaçi vendoset në territorin e tashëm 1620;
Shtrirja e fisit të Dushmanit në rajonin e Vilës 1620;
Shtrirja e Shalës kah Thethi 1620;
Zgjerimi i Merturit kah Rraja 1650;
Zgjerimi i Shoshit në Prekal 1650;
Tërheqja e Gashit drejt lindjes 1660.
Pra duket që fisi më i vjetër i shqiptarëve të jetë Berisha./Foldrejt.com/
Vërejtje: Për më tepër mund të lexoni librin Fiset Shqiptare të Robert Elsie.
