Një studim i OECD me titull “Arsimimi në një shikim 2018” ka analizuar rrogat e mësuesve në të gjitha vendet e botës, ku Gjermania dhe Zvicra janë mjaft mirë në krahasim me vendet tjera europiane. Veçanërisht Zvicra është një nga vendet, ku arsimimi është shumë i rëndësishëm, dhe për këtë arsye edhe mësuesit kanë paga të larta, përcjell foldrejt.com.
Paga vjetore për mësuesit në Zvicër është 69,865 dollarë, duke qenë në vendin e dytë në botë, derisa në vendin e parë është Luksemburgu, ku paga vjetore e një mësuesi është 79 mijë dollarë. Për ata me përvojë shkon deri në 137 mijë dollarë. Në podium përfundon edhe Gjermania, duke u pasuar nga Norvegjia, Danimarka, SHBA, Spanja, Australia, Holanda dhe Kanada.
Renditja
10 – Kanada – Paga vjetore për mësuesit është 39,179 dollarë
9 – Holanda – Paga vjetore për mësuesit është 39,205 dollarë
8 – Australia – Paga vjetore për mësuesit është 40,874 dollarë
7 – Spanjë – Paga vjetore për mësuesit është 42,002 dollarë
6. SHBA – Paga vjetore për mësuesit është 43,678 dollarë
5 – Danimarka – Paga vjetore për mësuesit është 46,914 dollarë
4 – Norvegjia – Paga vjetore për mësuesit është 47,445 dollarë
3 – Gjermania – Paga vjetore për mësuesit 61,589 dollarë
2 – Zvicra – Paga vjetore e mësuesve në këtë vend është 69,865 dollarë
1- Luksemburg – Paga vjetore e një mësuesi është 79 mijë dollarë. Për ata me përvojë shkon deri në 137 mijë dollarë
Nëse analizojmë vende tjera: në Turqi mësuesi paguhet 30 mijë dollarë, Israeli 20 mijë dallarë, në Greqi 19 mijë dollarë, ndërsa në fund të listës së eurozonës është Letonia me 9 mijë dollarë.
Për krahasim, në Maqedoni një mësues merr mesatarisht pagë neto (me eksperincë pune) 400 euro në muaj ose 4800 euro në vit. Paga minimale e arsimtarëve të Malit të Zi në muaj është rreth 500 euro ose 6000 euro në vit, kurse në Serbi pagat janë më të larta duke filluar nga ajo e arsimtarëve në shkolla fillore 6734 euro në vit ose 560 euro në muaj. Në Kosovë paga mesatare e një mësuesi është 450 euro në muaj ose 5400 euro në vit. Dhe në fund, në Shqipëri pagat e mësuesve janë rreth 420 euro në muaj, pas rritjes që dakortësoi qeveria shqiptare ose në vit i bie rreth 5040 euro, përcjell foldrejt.com.
Edukimi dhe arsimimi i brezave të rinj është shtylla kryesore që garanton jo vetëm mbijetesën e një populli, por edhe rritjen e mirëqenies së tij. Atëherë ne si shqiptarë ku jemi?/Foldrejt.com
