Pas përfundimit të luftës mes Armenisë dhe Azerbejxhanit në Karabak, kanë lindur probleme te reja mes komuniteteve aty pranë. Një prej tyre është për një manastir mjaft piktoresk dhe të njohur ndërkombëtarisht në rajonin Kalbaxhar. Manastirin e pretendojnë të tre komunitetet fetare, ku përherë të parë janë falur një prift rus, një i komunitetit armen dhe një nga komuniteti ‘shqiptar’. Manastiri i ndërtuar në shekullin e parë nga i Shenjti Dad, i cili ka qenë ncënës i apostolit Judas Thadaus, kurse formën e sotshme manastiri e ka marrë në shekullin e 17-të. Andaj ai vlen si i shenjtë për të krishterët, kurse gjithçka tjetër më pas kontestohet mes grupeve të ndryshme fetare.
Sipas armenëve ky manastir quhet Dadivank, nga Udinët, që janë pasardhës të shqiptarëve të Kaukazit quhet Xudavenk, informon foldrejt.com, shkrimin e euronews.com.
Prifti i ushtarëve armene Vartanes Abramyan, thotë se “manastiri është ndërtuar nga paraardhësit tanë dhe aty janë falur.”
Por kjo kundërshtohet nga pala tjetër.
“Si pjesëtar i komunitetit udino-shqiptaro-krishter të Azerbejxhanit, poashtu si gjeolog, mund të vërtetoj se manastiri në fjalë është kishë shqiptaro-kaukaziane dhe s’ka të bëjë fare me kishat armene,” thotë Robert Mobili nga komuniteti udino-shqiptar. “Si pjesëtar i kishës shqiptare, si mbajtës i kryqit shqiptar, mund t’ju siguroj, që kjo kishë është shqiptare,sepse elementet e ndërtimit, kryqi, simbolet dhe arkitektura janë jotipike për kishat armene.”
Ky rajon tashmë i takon Azerbejxhanit, por do patrullohet nga ushtarët rusë. Aty është vendosur edhe një prift rus, që pretendon se kisha është e rusëve. Edhepse ai nuk ka dashur të jap intervistë për median europiane, vetë prezenca e tij, tregon shumë.
Vlen të theksohet se komuniteti udinë në Kaukaz kanë prejardhje nga shqiptarët e dikurshëm të Kaukazit. Deri tani nuk ka dokumenta që vërtetojnë se ata janë një komb me ne shqiptarët e Ballkanit, por në gjuhën angleze ata quhen “albanian”, gjermanët i thërrasin “albaner”, njëlloj siç na thërrasin neve./Foldrejt.com
