Marrëdhëniet e Kryeministrit Alexis Tsipras me udhëheqësin e partnerit të vogël të koalicionit, Grekët e Pavarur (ANEL), Panos Kammenos, morën një kthesë të keqe për marrëveshjen e diskutueshme të ndryshimit të emrit të FYROM-it, i njohur si Marrëveshja e Prespes.
Në deklaratat e reja gjatë fundjavës, Kammenos u zotua të kundërshtojë marrëveshjen e qeverisë me Shkupin “deri në fund”, duke shtuar se partia e tij nuk do të shantazhohet ose nuk do të pranojë një fakt të kryer në lidhje me këtë çështje.
Në përgjigje të komenteve të Kammenos, Tsipras tha se ai “nuk do të trembet përpara kostos apo rrezikut”, duke shtuar se administrata e tij do të “mbrojë atë që ne besojmë se është e dobishme në nivel kombëtar”.
Zëdhënësi i qeverisë Dimitris Tzanakopoulos gjithashtu u fokusua në grindjen, duke theksuar se Marrëveshja e Prespës ka mbështetjen e shumicës absolute në Dhomë, bazuar në pikëpamjet e deputetëve që kanë shprehur. Ai vazhdoi të shprehë bindjen e tij se parlamenti nuk do të lejojë që kjo “mundësi historike” të humbasë.
Tensioni në Athinë mbi Marrëveshjen e Prespes pritet të rritet me afrimin e ratifikimin e marrëveshjes me Maqedoninë. Me procesin që në Shkup do të përfundojë këtë javë, marrëveshja do të duhet të vijë në parlamentin grek për debat dhe ratifikim.
Sipas analistëve, administrata e Tsipras do të duhet të sigurojë votat e deputetëve të pavarur dhe të opozitës për të ratifikuar marrëveshjen me 151 deputetë. Megjithatë, kjo do të jetë e ndërlikuar pasi disa deputet që mund të votojnë akoma skanë marrë vendim definitiv. Frika se Marrëveshja e Prespës që smund të ofrojë mbrojtje të mjaftueshme kundër irredentizmit në vendin fqinj është parë si vendimtare.
Kreu i parties “Greqia e Pavarur” thirri një mbledhje urgjente të grupit të tij parlament për të mërkurën me qëllim që të diskutojnë qëndrimin e partisë. Panos Kammenos ka thënë se do të braktis koalicionin në mënyrë që të ndalojë marrëveshjen e emrit me gjurmët e tij në këtë proces. Megjithatë, analistët theksojnë se ANEL mund të vazhdojë të mbështesë një “pakicë qeverisjeje” të Tsipras. Sidoqoftë, një zhvillim i tillë do të shtonte thirrjet për një zgjedhje të menjëhershme, vërejnë vëzhguesit.
Ndërkohë, Kancelarja gjermane Angela Merkel do të vizitojë Athinën të enjten për të mbështetur marrëveshjen dhe për të ndihmuar Tsipras të fitojë votat që i duhen në Parlament dhe për ta parë atë të ratifikuar. Berlini tha përpara vizitës së Kancelarit se “e mirëpret marrëveshjen dhe vazhdon të shpresojë që mosmarrëveshja e gjatë dhjetëvjeçare do të zgjidhet”. / IBNA
