“Pas votimit në Shkup, radha është e Athinës. Kjo e fundit e ka më të vështirë sesa fqinji i saj verior,” shkruan media austriake “Der Standard”.
Kjo përkundër që kryeministri Zoran Zaev duhej të bindte tetë deputetë të OBRM dhe të sjelltë nën kontroll dy deputetë shqiptarë. Në fund gjithçka u arrit ku 81 nga 120 deputetët votuan për ndryshimet kushtetuese, përcjell foldrejt.com.
Pasi përmend edhe presidentin pro-rus Gjorgje Ivanov, të cilit fatmirësisht nuk i nevojitet nënshkrimi, media e majtë austriake tregon se vështirësitë më të mëdha fillojnë tani me Greqinë.
Greqia duhet ta ratifikojë marrëveshjen me shumicë të thjeshtë deri në fund të marsit, kurse më pas hapen dyert e Shkupit për në NATO dhe BE.
65 përqind e grekëve janë kundër Marrëveshjes së Prespës, kurse 45 përqind i quajnë tradhtarë ata që e mbështesin – në këtë rast kryeministrin Aleksis Cipras. Në shkollat greke valëvitet flamuri dhe sikur duan të tregojnë se Marrëveshja e Prespës është ligësi për ta.
Ashtu si edhe në vendet tjera ballkanike, edhe në Greqi nacionalizmi shfaq emocione kombëtare dhe shkon përtej çështjeve si politika e kursimit (ekonomike) ose sesa i ndotur është ajri, përcjell foldrejt.com. Përkatësia etnike është kthyer në ngjashmëri si Gretchenfrage me religjionin.
Fqinji stilizohet si armik, i cili mund të rrezikojë identitetin. Një arsye për këtë është se në Europën juglindore mendimet janë të shpërndara shumë në kolektiv sesa në formë individuale. Cipras vërtet ishte i guximshëm, ku solli një marrëveshje pajtimi me Shkupin, përkundër kostos politike.
Qeveria greke ka probleme që të arrijë këtë shumicë për shkak se partia e vogël ANEL ka dalë nga qeveria, kurse sonte në mbrëmje pritet edhe të votohet mocioni për Aleksis Cipras.
Në fund media austriake flet edhe për qeverinë OBRM-BDI, e cila ngriti nacionalizmin maqedonas dhe tashmë Greqia ka kërkuar edhe një revizion mbi librat me ide irredentiste të historisë.
“Por një pjesë e madhe e ish klikës udhëheqëse të OBRM tashmë akuzohen për vepra korruptive, kurse ish kryeministri Gruevski – me gjasë me dijen e qeverisë LSDM – është larguar nga vendi,” shkruan në fund media austriake./Foldrejt.com
