Nikola Gruevski (48) dikur vlente si reformator veçanërisht gjatë kohës kur mori pushtetin në 2006. Si ekonomist punoi në disa banka, bursa ndërkombëtare, udhëhoqi me ministrinë e financave, krijoi zona ekonomike me të cilat thithi investitorë dhe udhëhoqi me një Flat Tax. Por pak pasi mori udhëheqjen e qeverisë në 2006 – u duk shpejt qëndrimi autoritar, shkruan “Der Standard”.
Me kushëririn e tij, ish shefin e shërbimit sekret Sasho Mijalkov, ai krijoi një shtet brenda shtetit. VMRO-DPMNE u infiltrua në të gjitha strukturat. U jepte tenderë firmave të afërta me të, mbylli mediat e lira, bile u përdorën edhe banditët. Sistemi i Gruevskit zbehu shtetin ligjor, politizoi administratën dhe instrumentalizoi strukturën e sigurisë kombëtare kundër kundërshtarëve politikë. Në të njëjtën kohë ai glorifikoi idetë nacionaliste, duke qenë agresivë me fqinjët, krijoi një politikë reakcionare shoqërore dhe simpatizonte modelin e qeverisjes së Vladimir Putin, përcjell foldrejt.com.
“Personi që humbi ndjenjën e realitetit”
Gruevski krijoi projektin “Skopje 2014” ku shpenzoi qindra-milionë euro në vendin e vogël dhe të varfër. Në 2015 plasën bombat ku u tregua fytyra e vërtetë e qeverisjes me presione dhe shantazhe. Ministri i financave Zoran Stavrevski në një nga bombat e paraqiti Gruevskin si “Personi që humbi ndjenjën e realitetit”. Kurse për qeverinë tha se “shpenzon para për çokoladë, ndërsa ne s’kemi bukë.”
Poashtu u bënë të ditura edhe manipulimet zgjedhore. Një vit më vonë Gruevski dha dorëheqje, kurse në tetë nëntor 2018 duhej të paraqitej në burgun e Shutkës. Në një nga video-incizimet, ish ministrja e brendshme Gordana Jankulovska u shpreh: “Dikur do të shkojmë të gjithë në burg.”
A kishte ose jo të ‘drejtë’ Jankullovska, varet nga respektimi i ligjit në Hungari. Aty ku u largua Gruevski./Foldrejt.com
