Pas tërheqjes së 2000 trupave amerikane nga Siria, Franca ka kontigjentin më të madh të trupave perëndimore në Siri. Rreth 200 forca speciale franceze qëndrojnë akoma në rrethinën e Manbij dhe pasi ndjehen të “tradhëtuar” nga presidenti Donald Trump, ata ndjehen të kërcënuar nga një konfrontim direkt me trupat turke, shkruan foldrejt.com.
“Aleatët e fundit të kurdëve janë francezët,” shkruan media gjermane “Der Spiegel”, por në fakt këta kurdë janë pjesëtarë të PYD/YPG/PKK që nga vetë BE, SHBA dhe Turqia njihet si organizatë terroriste. Edhepse një kohë të gjatë PYD/YPG janë parë nga Perëndimi si forca të diciplinuara që kanë luftuar suksesshëm ISIS, sipas Turqisë doktrina e tyre komuniste nuk i ndan nga PKK – përveç emrit.
Trupat franceze krah për krah me trupat e Assadit
Në kohën kur Turqia dhe aleatët e saj të Ushtrisë së Lirë Siriane përgatisin ofansivën tokësore kundër PYD/YPG në Manbij, aty në rastin më të keq mund të ndodhë një konfrontim direkt mes dy partnerëve të NATO: Turqisë në njërën anë dhe Francës në anën tjetër.
Sipas “Der Spiegel” një skenar tjetër mund të jetë edhe një aleancë e papritur mes komunistëve kurdë, trupave franceze dhe armatës së diktatorit Bashar al Assad kundër forcave turke. Kjo do ishte vetëm një tensionim i shtuar në luftën shtatëvjeçare civile të Sirisë./Foldrejt.com
