Investime përmes kredive me kamata të tmerrshme. Kjo është akuza e madhe që i bëhet Kinës, viktima e së cilës pritet të jetë Mali i Zi. Pavarësisht qeverisë së re malazeze, është tërësisht e vështirë, në mos e pamundur, që shteti i vogël i adriatikut të çlirohet nga varësia financiare e Kinës.
Kryesisht bëhët fjalë për autostradën që do lidh Malin e Zi me Beogradin, përmes një territori të vështirë malor, që kap shifrën e 1.3 miliardë eurove.
-Pa ndihmën prej jashtë është shumë e vështirë të paguhen borxhet malazeze ndaj Kinës, shkruan konservatorja gjermane Die Welt, përcjell foldrejt.com.
Shteti europian nuk deshte të financonte një projekt të tillë spektakular, për një shtet me 650 mijë banorë, por ndryshe mendonte Kina.
Borxhi publik i Malit të Zi është 83 përqind, kurse deri në fund të vitit pritet të jetë 90 përqind, kryesisht ndaj firmave kineze. Mali i Zi nuk ka rrezik nga orientimi pro-rus i qeverisë së re, por nga kreditet e Kinës.
Vitin e ardhëm, në mesin e pandemisë, Mali i Zi duhet ti ktheje Kinës 67.5 milion euro. Poashtu mot duhet të përfundoje pjesa e parë me 41 kilometra e autostradës. Por në rast se nuk shkon sipas planit që të përfundojë edhe pjesa tjetër nga Matesevo deri në Boljare në kufi me Serbinë, atëherë autostrada do mbetet me orientim nga asgjëkundi deri në askund – shumë para, për asgjë – por ku kamatat e larta duhet të paguhen ose shteti kthehet në hipotekë të Kinës, ngjashëm si disa porte të rëndësishme nga Shri Lanka deri në Amerikën Latine./Foldrejt.com
