Media e njohur gjermane Frankfurter Allgemeine Zeitung, në artikullin e fundit për Ballkanin Perëndimor, ka shkruar për ndarjen e ballkanasve në zgjedhjet e fundit presidenciale amerikane.
Në kohën kur nacionalistët serbë shpresojnë për fitoren e Donald Trump, shumica e muslimanëve të Ballkanit shpresojnë për fitoren e kundërshtarit të tij Joe Biden. Të dyja palët kanë argumente të fuqishme për këtë, shkruan FAZ.net, përcjell ekskluzivisht në shqip, foldrejt.com. Si arsye e serbëve përmendet se Trump ka arritur të ulë palët duke kënaqur me marrëveshjen e fundit serbët, por megjithatë, Biden është ndër figurat e para perëndimore që ka shkruar kundër serbomëdhenjve.
Dy vjet e tre muaj përpara se të ndodhte gjenocidi i Srebrenicës, Biden do shkruante se “në rast se nuk ndërhyjnë Perëndimorët, Srebrenica kërcënohet të kthehet në Guernicën e kohëve tona.”
Guernica është e njohur për bombardimet masive të nazistëve kundër baskëve në 1937.
Këto prognoza të sakta të Biden, erdhën pasi ai kishte vizituar më parë vendet e Ballkanit. Sikur kolegët e tij perëndimorë, të kishin dëgjuar atë, sot Srebrenica përsëri do ishte një vend i panjohur diku në lindje të Bosnjës dhe Hercegovinës.
“Kush dëshiron paqe në Ballkan, duhet të armatoset për luftë,” do thoshte Biden në përshkrimin e tij për Ballkanin ose ish Jugosllavinë e atëhershme, duke kujtuar thënien e vjetër romake. Politikën perëndimore rreth Bosnjës dhe Kroacisë, Biden e quan “jorealiste” bile edhe “perverse”.
Dëbimi masiv i shqiptarëve
Më tutje Biden në shkrimin e tij me prognoza të sakta, do shkruante se në rast se nuk reagohet tani ndaj serbomëdhenjve, atëherë Beogradi do luftojë edhe Kosovën, nga ku “do tentojë të kryejë pastrim etnik”, informon foldrejt.com.
Në fakt pikërisht kjo ndodhi në vitin 1999, por u ndalua falë UÇK dhe intervenimit të NATO. Më mirë vonë se kurrë!
Në fund Biden shkruan se bisedimet me “Sllobodan Miloshevicin, nuk kanë vlerë. Nuk ka rëndësi ajo çfarë flet ai, por çfarë vepron.”
Pikërisht, këto thënie të Bidenit, tregojnë se ai jo vetëm që njeh mirë rajonin ballkanik, por edhe të kaluarën e Aleksandër Vucic, si informator i Milloshevicit. Për këtë, radikalët serbë e shohin me tmerr figurën demaskuese të tyre, Biden.
Tash jemi rreth një çerek shekulli më pas. Ata çfarë shkruhen lartë e nxjerin filo-shqiptar, kroat dhe boshnjak Bidenin. Por muslimanët e Ballkanit, në fakt mund edhe të kenë harruar rolin e Bidenit, mbase edhe shumë gjëra mund të kenë ndryshuar prej atëherë në skenën gjeopolitike. Trump, si mik i vërtetë i Erdoganit, dhe Bideni si mik i vërtetë i grekëve, mund të ndikojë edhe te shumë shqiptarë të besimit musliman për të mbështetur Trump karshi Bidenit?/Foldrejt.com
