Media pro-ruse dhe në shërbim të politikave të Vladimir Putinit, “RT”, ka kryer një intervistë me analistin e revistës Politics First, Marcus Papadopoulos.
Interesante është se në kohën kur Kosova paraqitet një protektorat i NATO dhe që qëllim në të ardhmen e ka anëtarësimin në këtë organizatë, media ruse nuk kursen as Serbinë, sipas së cilës udhëhiqet nga një qeveri marionetë e Perëndimit.
“Qeveria serbe është kthyer në një marionetë pro-perëndimore. Ajo në fakt publikisht kundërshton zhvillimet në Kosovë, por në mënyrë sekrete përgatitet për njohjen e pavarësisë së Kosovës – sipas gjitha gjasave me ndryshimet Kushtetuese të Serbisë, që mund të arrihet me anë të shkëmbimit të territoreve. Presidenti serb Aleksandër Vucic ka raporte shumë të ngushta me SHBA-në dhe Gjermaninë dhe me Marrëveshjen përfundimtare që do arrihet mes Prishtinës dhe Beogradit, ai kërkon të zgjasë pushtetin për një kohë të pacaktuar,” përcjell foldrejt.com, analizën e medias pro-ruse.
Edhepse Vucic po mundohet të ndjek politikën e Titos, as me Perëndimin dhe as me Lindjen (Rusinë), orientimi i Serbisë gjatë udhëheqjes së tij ka shkuar gjithmonë e më tepër në drejtim të vlerave perëndimore.
“Kjo ka sjellur përplasjen dhe tensionimin e marrëdhënieve mes Putinit dhe Vucic,” shkruan në median pro-ruse./Foldrejt.com
