Futbollisti i Atletico-s dhe lojtari i kombëtares portugeze, Joao Felix, do të luajë deri në fund të sezonit në formë huazimi te Chelsea, raporton “Marca” spanjolle.
Gazeta spanjolle thekson se drejtuesit e Atléticos kanë vendosur të vazhdojnë kontratën me Felix deri në qershor të vitit 2027 para se ta dërgojnë futbollistin portugez në Londër. Në dy ditët e ardhshme ai duhet të prezantohet si lojtar i ri i bluve.
Chelsea do të ndajë 11 milionë euro dëmshpërblim për Feliksin për këtë transferim. Klubi londinez ka pranuar të paguajë të gjithë pagën e futbollistit portugez dhe marrëveshja e huazimit nuk përmban klauzolë që Chelsea ta blejë Felix-in në fund të sezonit./FolDrejt/