Në krahasim me Serbinë dhe Shqipërinë, në Kosovë funksionon më mirë ndryshimi demokratik i pushteteve. Kjo tregon se në Kosovë ka edhe ligj dhe rregull, shkruan fillimisht media më e madhe zvicerane Neue Zürcher Zeitung, duke komentuar vendimin e Gjykatës Kushtetuese për rrëzimin e qeverisë Avdullah Hoti. Nga vëzhguesit ndërkombëtarë kjo është quajtur edhe si sukses në «state-building».
“Tani kartat përzihen ndryshe,” përcjell foldrejt.com. Poashtu edhe nga ana politike kjo është mirë, pasi qeveria Hoti mezi të ketë arritur diçka.
Kurti autoritar dhe i pakorruptuar
Më tutje media zvicerane ndalet edhe te figura karizmatike e Albin Kurtit, që ka gjasa të mëdha për fitore. Sipas NZZ, ai vlen si autoritar, por ama i pakorruptuar. Ky stil i udhëheqjes ka sjellë mbështetjen e fuqishme të tij nga diaspora shqiptare dhe të rinjtë.
Në fund media zvicerane shkruan se në kohën kur Kosova ka një shoqëri të fuqishme jo-qeveritare, në Beograd hde Tiranë janë instaluar autokratët, që dominojnë parlamentin, drejtësinë dhe mediat.
Në Shqipëri dhe Serbi as nuk mendohet më ndryshimi i pushteteve, e përmbyll frikshëm shkrimin NZZ./Foldrejt.com
