Në fakt kjo pyetje nuk qëndron, pasi një shqiptar prej së largu dallohet nga një shqiptar, shkruan blick.ch. Por jo për shkak se ata kanë një kokë katrore (gjithmonë me këto paragjykime…), por sepse shqiptari njeh shqiptarin nga mimikat dhe gjestikulacionet.
Një zviceran – fatkeqësisht – nuk mund të njohë një shqiptar. Por e gjithë kjo, nuk sjell gabim nëse pyesim: “A je ti shqiptar?”. Nëse ai përgjigjet me “po”, atëherë fillojnë pyetjet e tjera vijuese, përcjell foldrejt.com.
Të pavarur, por jo qindpërqind
“Nga vjen ti?” është pyetja tjetër. Nëse përgjigjesh “Kosovo”, atëherë pyetja vijon: “Dmth ti je kosovar, ose?”.
Teoritikisht kjo është korrekte, megjithatë jo edhe aq. Kosova është e pavarur nga 2008, kurse shumë banorë të saj akoma kërkojnë bashkimin me Shqipërinë. Kjo shpie që banorët e saj më mirë përgjigjen si “shqiptar nga Kosova” sesa “kosovar”.
Thuajse se gjysma e 250 mijë banorëve shqiptarë të Zvicrës janë nga Kosova. Numri i saktë i shqiptarëve në Zvicër është i vështirë për t’u caktuar pasi ata vijnë me shtetësi të Kosovës, Shqipërisë, Maqedonisë, Serbisë ose edhe të Zvicrës.
«Si, ti vjen nga Serbia dhe je shqiptar?»
Shembull, kur ndokush vjen nga Presheva, ai ka shtetësinë e Serbisë. Fjala vjen ai përgjigjet unë vij nga jugu i Serbisë Preshevë, kam shtetësinë serbe, por unë jam shqiptar dhe kam lindur në Altstätten SG (Zvicër).
Nëse përgjigjesh kështu, shumica do thonë: «Ha? Si, ti vjen nga Serbia dhe je shqiptar? U kam thënë 100 mijë herë, se në Serbinë jugore ka një qytet me 90 përqind shqiptarë – dhe origjina e prindërve të mi është nga kjo pjesë.
A ishte tash shumë e vështirë për t’u kuptuar? Jo, nuk ishte. Atëherë, shkruajeni këtë ose printojeni artikullin dhe ju lutem ndaloni së pyeturi këtë pyetje. Nuk mundem më!/Foldrejt.com
