Europa juglindore po shfaq ndryshim pushtetesh. Nga liderë nacionalistë autoritarë, në vjeshtë kanë ardhur qeveri të reja nga Moldavia deri në Malin e Zi në Adriatik. Megjithatë akoma është e hapur, nëse ky ndryshim i butë pushtetesh, do të sjellë ndryshime rrënjësore politike ose jo, shkruan media zvicerane NZZ, përcjell foldrejt.com.
Kur flasim për Europë juglindore, nuk ka sesi të mos shpëtohet nga dhuna ndaj gazetarëve, tentimit për kontrollin e gjykatave dhe blerjen e votave. Sikur të paralajmëron se rajoni ndodhet mes Hungarisë, Rusisë dhe Turqisë. Por forcat liberal demokratike kanë arritur fitore të pjesshme në shumë shtete.
Goditja e parë erdhi në Rumani me fitoren në zgjedhje lokale nga forcat liberale, ku figura qendrore ishte gjermani Dominic Fritz që fitoi zgjedhjet në qytetin e tretë më të madh rumun Timisoara. Në dhjetor partia e Fritz (USR PLUS) arriti suksesin për të kaluar pragun dhe ka arritur një koalicion me liberalët e Klaus Iohannis, gjithashtu një gjerman nga Rumania.
Si erdhi suksesi i gjermanëve të paktë në Rumani?
Për këtë duhet të falenderohet elita e korruptuar e vendit, kurse qytetarët shpresojnë që gjermanët të shtojnë sigurinë e vendit dhe etikën profesionale.
Ngjashëm në Moldavi fitoi zgjedhjet presidenciale Maia Sandu, e punësuar si eksperte në Bankën Botërore; në Banja Lukë fitoi një serb antipod i nacionalistitMilorad Dodik, Drashko Stanivukovic.
Më tutje media zvicerane përmend edhe fitoren e shqiptarit Dritan Abazovic, përkundër faktit që koalicioni i tij qeverisës është i afërt me Kremlinin dhe Kishën Ortodokse.
Por përkundër gjithë kësaj, Europa shfaqet e pafuqishme për të ndihmuar këto ndryshime. Ata janë të zënë me problemet e veta, ku së fundi ishte bllokimi i buxhetit të rimëkëmbjes 750 miliardë euro nga Hungaria.
Formula e re e BE duket si “afrim kundër demokracisë”, njëlloj si bllokimi i Bullgarisë ndaj Maqedonisë së Veriut.
Pra aktorët e rinj politikë kanë mbetur të vetëm në përpjekjet e tyre reformatore. Jo të gjithë kanë forcën, për të mbijetuar politikisht./Foldrejt.com
