Rruga magjistrale Prishtinë – Podujevë, e cila ka vite që ka filluar të zgjerohet, së fundi po pritet të futet në një fazë të re, pasi së fundi Qeveria e Kosovës ka ndarë 38 milionë euro për përfundimin e saj, shkruan Fol Drejt.
Pikërisht për finalizimin e këtij projekti pritet të flas sot para llapjanëve Ministri i Mjedisit, Planifikimit Hapësinor dhe Infrastrukturës, Liburn Aliu.
“Dje në konferencë për media paralajmëruam që SOT do ta mbajmë prezantimin për fillimin e projektit Prishtinë – Podujevë.
Ftojmë të gjithë të interesuarit që të na bashkangjiten në Podujevë, tek teatri “Avdush Hasani” prej orës 18:00” – ka shkruar ai në Facebook.
Ua kujtojmë se premtimet e qeverisë kanë qenë që punimet në këtë magjistrale të përfundojnë në vitin 2022. Megjithatë, për shkak të procesit të shpronësimit të pronave private në afërsi të rrugës, procesi është ngadalësuar./FolDrejt/
