Ministri i Diasporës në Qeverinë e Maqedonisë së Veriut, z. Xhemail Çupi, po qëndron për një vizitë në Zvicër, shkruan Fol Drejt.
Sipas një njoftimi zyrtar, ai me këtë rast ka realizuar një varg takimesh me personalitete të rëndësishme të jetës politike.
“Në ditën e parë të vizitës sime të punës në Konfederatën Zvicërane realizova takim me shefin e stafit të IOM-it pranë OKB-së në Gjenevë, z. Ambroso dhe përfaqësuesin special për rajonin z. Keseroviq” – ka njoftuar ai.
Sipas Çupit, ai në këto takime i ka njoftuar bashkëbiseduesit për punën e dikasterit që e drejton, si dhe planet për “hartëzimin e diasporës”.
“gjatë takimit bashkëbiseduesit i ka njoftuar njoftova për bashkëpunimin tim të mirë me zyrën përfaqësuese të IOM-it në Shkup dhe gjithashtu shpreha kënaqësinë për gatishmërinë e tyre për të bashkëpunuar dhe mbështetur në lidhje me aktivitetet tona për projektin e Qendrave të Diasporës, ngritjen e kapaciteteve institucionale për hartëzimin e diasporës sonë dhe ngritjen e bashkëpunimit të ndërsjellë me organizatat ndërkombëtare në një nivel më të lartë” – ka shkruar ai.
Sipas tij, atij i është premtuar mbështetje dhe gatishmëri për bashkëpunim të mëtejmë./FolDrejt/
