Ministri i ardhshëm i Mbrojtjes i Gjermanisë thotë se është detyra e tij të forcojë ushtrinë e vendit pasi ofensiva e përgjakshme e Rusisë në Ukrainë vazhdon të hedhë hijen e luftës mbi Evropën, raporton Al Jazeera, transmeton Fol Drejt.
“Këto nuk janë kohë normale, ne kemi një luftë të ndezur në Evropë. Rusia po bën një luftë brutale asgjësimi ndaj një vendi sovran, ndaj Ukrainës”, tha Boris Pistorius pas një ceremonie në ministrinë e Mbrojtjes në Berlin.
“Detyra jonë është ta bëjmë Bundeswehr-in të fortë tani, ka të bëjë me parandalimin, efektivitetin dhe gatishmërinë. Dhe bëhet fjalë për vazhdimin e mbështetjes së Ukrainës, gjithashtu me materialet e Bundeswehr-it”, tha ai./FolDrejt/
