Ministri i jashtëm turk Mevlüt Çavuşoğlu ka dhënë një intervistë për median më me ndikim në Gjermani Süddeutschen Zeitung.
Siç mëson foldrejt.com, e cila disponon intervistën e plotë: diplomati turk mbron shtetitn e tij nga kritikat europiane, kryesisht për shkak të arrestimeve të akademikëve dhe gazetarëve.
“Gjermanët dhe europianët duan gjithmonë ta mësojnë Turqinë se çfarë është shteti i së drejtës. Por kjo është krejtësisht e gabuar,” tha Çavuşoğlu, përcjell foldrejt.com.
Përkundër kësaj ai tha se Turqia akoma po përpiqet të bëhet anëtare e BE dhe se kjo e fundit duhet ta bëjë të qartë nëse “dëshiron ose jo” që të pranojë vendin e tij.
Në lidhje me tërheqjen e Angela Merkelit prej shefes së CDU, ai tha: “Unë kam shumë respekt për zonjën Merkel.” Në kohët e vështira të valës së refugjatëve ajo luajti një rol të rëndësishëm për Gjermaninë, për gjithë Europën dhe gjithashtu për marrëdhëniet me Turqinë, “edhepse jo çdoherë neve na ka pëlqyer çfarë ajo ka thënë ose ka vepruar.”
Tani në Turqi ka një ligj ku nuk lejohet më shumë se dy mandate qeverisëse. “Gjithashtu edhe Erdogani nuk do qëndrojë përgjithmonë,” tha ai.
Në fund numri një i diplomacisë turke foli edhe për princin e kurorës Muhamed bin Salman, i cili vlen si përgjegjës për vrasjen e gazetarit Jamal Kashoggi. Sipas tij vrasja e gazetarit ka ndodhur brenda shtatë minutave me gjakftohtësi. Por nëse Erdogan do takohet me të në Argjentinë gjatë mbledhjes së G20, “nuk është i sigurtë”./Foldrejt.com
