Prej mesditës po mbahen zgjedhjet e Kongresit amerikan – një rezultat është thuajse i betonizuar: bija e emigrantëve palestinezë Rashida Tlaib, do shkruajë historinë duke u bërë muslimania e parë që zgjidhet në Kongres. Kjo vlen edhe pasi në rajonin e saj të 13-të të Michiganit, nuk ka kundërshtarë nga kampi republikan. Gjatë fushatës zgjedhore arriti të mbledh më shumë se një milion dollarë ndihmë, që i mblodhi nga dera në derë. Ajo në zgjedhjet e brendshme fitoi 33 për qind të votave.
Kongresmeni demokrat nga Michigen, John Conyers në dhjetor të vitit të kaluar dha dorëheqje pas akuzave për abuzim seksual.
Tlaib do jetë një zë tepër i ashpër i politikave anti-emigrim dhe kundër muslimanëve të presidentit Donald Trump. Ajo thoshte nëpër intervista se djali i saj kishte frikë të paraqiteshte si musliman. E gjithë kjo nga propaganda dhe agjitacioni kundër minoriteteve që po bënte presidenti Trump. Megjithatë 42 vjeçarja thotë: “Djali im duhet të jetë krenar për vendin e origjinës,” shkruan FAZ, përcjell foldrejt.com.
Tlaib thekson se ajo nuk do kontestojë vetëm sjelljen ndaj muslimanëve, por për gjithë të drejtat e minoriteteve dhe grave.
E rritur mes 14 motrave dhe vëllezërve në Detroit, ku babai i saj punonte në Ford, fillimisht studioi drejtësi në Michigan, kurse në 2008 u zgjodh si muslimania e parë në parlamentin rajonal. Aty ishte pjesë për gjashtë vjet.
Në rast se zgjedhjet shkojnë në favor të demokratëve, atëherë Tlaib nuk do jetë muslimania e vetme në Kongres. Krahas saj në shtetin e Minesotës konkurron për një ulëse Ilhan Omar. Kjo e fundit ka ardhur si bijë e prindërve somalezë dhe ka shansa të mira kundër republikanes Kontrahentin.
Në rast se të dyja fitojnë, ata do betohen në Kuranin e Thomas Jefferson-it, ashtu siç veproi para ca vitesh Keith Ellison.
