Kultura është tërësi, e vetme që përfshin njohuritë, besimet, artin, ligjin, moralin, klientin dhe cdo aftësi tjetër si edhe zakonetë fituara nga qeniet njerëzore si anëtare e shoqërisë. Ajo përfshin njohuritë shoqërore, vlerat dhe normat,së bashku me objektet dhe sjelljen që reflektojnë këto vlera dhe norma.
Në kuadër të kulturës bëjnë pjesë mbi të gjitha besimi dhe ligji të cilat më pas japin normat morale dhe ato juridike. Arti paraqet tërësinë e aftësive dhe njohurive kulturore që i posedon një shoqëri. Cdo shoqëri posedon zakonet dhe normat që atë e dallojnë nga shoqëritë e tjera. Kështu dallojmë kulturën shqiptare që dallon nga ajo maqedonase dhe bullgare. Janë normat dhe vlerat të cilat çojnë deri tek ky dallim, por ndikim të madh kanë edhe gjuha dhe besimet fetare. Kulturat dallojnë midis veti andaj edhe sjelljet e konsumatorëve do të jenë të ndryshme në kultura të ndryshme. Nuk mund që të sillet një brazilian njëlloj si një shqiptar pasi që ajo cka mund të jetë tradicionale për brazilianin mund që të jetë e papranueshme për kulturën shqiptare. Edhe pse me valët e globalizimit tentohet tëformohet një kulturë globale përsëri do të ekzistojnë dallimet kulturore që do të cojnë në sjellje të ndryshme të individëve sa i takon produkteve dhe shërbimeve. Andaj pë rkompanitë është më se e nevojshme që të njohin kulturën e vendit në të cilën janë duke vepruar pasi që në atë mënyrë mund që tu përshtaten kërkesave dhe dëshirave të konsumatorëve në mënyrën më të përshtatshme dhe eficente.
Subkultura apo nënkultura është pjesë e kulturës. Kështu brenda një kulture ekzsitojnë grupime të atilla që njihen me emrin nënkultura apo subkultura. Kështu nëse marrim si shembull kulturën amerikane duhet pasur parasysh edhe faktin se kjo kulturë është e ndërtuar nga shumë subkultura që kanë ndikimin e tyre specifik.Kështu sukultura mund që të definohet si një pjesë e kulturës, pjesëmarrësit e së cilës kanë sjelljet e tyre përkatëse. Mund që të permendim subkulturën etnike. Nëse marrim si shembull kulturën e Maqedonisë subkultura etnike do të ishin ajo shqiptare, rome etj. Kur kemi rastin e SHBA-së që ku mund që të thuhet se në këtë shtet të madh dominojnë katër subkultura etnike dhe atë :afroamerikanët(African-American), hispanikët(hispnaic), banorë të ishujve aziatik dhe paqësor(Asian/Pacific Islander) dhe amerikanët vendas(native americans). Në kuadërtë kulturës aziatike bëjnë pjesë indianët dhe arabët të cilët janë duke jetuar në SHBA.Pastaj dallojmë edhe subkulturat e tjera si ato gjeografike dhe rajonale, subkulturatraciale, të moshës, gjinisë si dhe ajo që na intereson më së shumti subkultura fetare apo religjioze.
Religjioni llogaritet si pjesë e një kulture. Andaj në vazhdim termit subkulturë fetare do ti referohemi me termin subkulturë religjioze. Religjioni ka një ndikim të madh sa i takon sjelljes kosnumatore. Si një faktor i jashtëm luan një rol mjaft të rëndësishëm pasi që shumë individë vendimet e tyre për blerjen apo mosblerjen e produketeve i marrin në bazë të ideologjive të tyre fetare. Kështu në disa religjione apo fe ndonjë produkt ndodh që të jetë i ndaluar andaj edhe kompanitë të cilët prodhojnë atë produkt dhe të njëjtin e ofrojnë në treg nuk do të kenë sukses. Kemi shembull fenë islame ku përdorimi i alkoolit apo mishit të derrit është i ndaluar. Të gjithë këto infromata mbi vlerat religjioze do të ndihmonin kompanitë e ndryshme që të kuptojnëmë së miri sjelljen religjioze.
SHBA-të janë shtet sekular, pra ku feja është e ndarë nga shteti që don të thotë se sistemi edukativ,qeveria dhe procesi politik nuk janë të kontrolluara nga grupet religjioze. Por edhe pse sekularizmi është pjesë e këtij shteti përsëri fryma religjioze mund që të vërehet tek popullata amerikane. Shumë të krishterë konservativ do të preferonin një shoqëri dhe sistem ligjor të bazuar më së shumti në normat dhe vlerat e tyre religjioze. Sipas tyre besimi luan një rol mjaft të rëdësishëm sa i takon rregullimit shoqëror. Fryma religjioze në SHBA mund që të ndjehet nga vetë debatet që kanë lindur mbi të drejtat e homosekusalëve, evolucionizmi përballë krijimit, mbi të drejtat e faljes në institucionet shkollore etj. Të gjithë këto debate padyshim se kanë ndikuar edhe tek kompanitë të cilët mundohen që të vlerësojnë sjelljet konsumatore të bazuar në të ashtuquajturat vlera dhe norma religjioze.
