Në një foto të klasave të vitit 1973 duken gjimnazistët Dushko dhe shoku i tij Migo. Edhe më vonë do vijonte miqësia e tyre për disa dekada – ku jo vetëm që do ktheheshin në persona shumë të pasur, por edhe me ndikim, shkruan foldrejt.com, duke u bazuar në mediat e huaja ndërkombëtare.
Slavoljub Stijepovic – shkurt Migo – arriti të bëhet kryetar i Podgoricës me partinë qeveritare DPS. Dushko Knezhevic u bë shefi i Bankës Atlas. Të dy këto ishin shumë të afërt për dekada me radhë, falë edhe njohjeve me Milo Gjukanovicin që po sundon vendin e vogël të detit Adriatik prej katër dekadash dhe tani është president i vendit.
Megjithatë, miqësia mes tre burrave të afërt është shkëputur. Dushko Knezhevic, i cili mbylli bankën Alfa në dhjetor 2018, për shkak të problemeve financiare, u largua drejt Londrës dhe prej atje lëshon mesazhe kërcënuese në drejtim të Migo dhe Milo. Për ta rikuperuar bankën ai kishte nevojë për 75 milion euro – që thuajse nuk i gjeti nga shokët e tij – dhe në bazë të tarifave që sa vinin e shtoheshin Banka Alfa u mbyll, përcjell foldrejt.com.
“Kush shet dhe arreston kameramanët e tij, prindërit e tij dhe miqtë e tij?,” thuhet në një mesazh të Knezhevic, pasi ndaj tij tashmë është shqiptuar masa e arrestit. Ky i fundit në Instagram poashtu nxjer edhe një video ku duket se Migo merr një zarf me 97 mijë dollarë.
Mungesa e shtetit ligjor
Këto raste tregojnë sesa janë të gërshetuara politika dhe bankat në këto vende.
Në sektorin bankar në Serbi dhe Malin e Zi nuk janë të rralla ndikimet korruptive, miqësore ekonomike dhe politike. Kush ngritet mbi shtetin e çalë ligjor, e paguan vetë. Bankat Qendrore reagojnë nëse u kërkohet kontroll i fuqishëm. Së fundi është larguar nga Serbia edhe bankieri austriak Alexander Picker. Ky i fundit kishte folur për keqpërdorimet mbi Bankën Komerciale atje./Foldrejt.com
