Fillimet e shekullit të 20-të ishin vitet kur perandorive u vinte fundi dhe bota konfigurohej në aspekt të shtet-kombeve.Shtetet të cilat ishin në sundimin e perandorive të asaj kohe, të pakënaqur nga qeverisja dhe të nxitur nga ideologjitë lindore dhe perëndimore, kërkonin me çdo kusht që të pavarësoheshin dhe të vendosnin kufij të rinj, sidomos në Ballkan. Gavrilo Principi, i lindur në vitin 1894, ishte një sërb nga Bosnja,anëtar i grupit të të rinjve të Bosnjës, një organizatë jugosllave e cila kishte për synim të fundoste sundimin e Austro-Hungarisë në kufijtë e Bosnjës dhe Hercegovinës. Principi 19 vjeçar, vrau arkidukën Franc Ferdinandin të Austrisë dhe gruan e tij Sofinë, në Sarajevë më 28 qershor të vitit 1914, duke nxitur një zinxhir ngjarjesh të cilat çuan në shpërthimin e Luftës së Parë Botërore.
Principi dhe bashkëpunëtorët e tij u arrestuan dhe implikuan edhe shoqërinë sekrete nacionaliste sërbe të njohur si Dora e Zezë,ku Austro-Hungaria i dërgoi ultimatum Sërbisë. Arsyetimi i Principit për të vrarë arkidukën, ishte që Franc Ferdinandi kishte ndaluar bashkimin sllav dhe reformat të cilat ishin të parapara për tu bërë, reforma këta strukturore që do tu jepnin më tepër autonomi vendeve sllave.
Gavrilo Principi ishte një nacionalist jugosllav që idenfitikohej me lëvizjen Mlada Bosna (Bosnja e Re), që dominohej nga sërbët, por që kishte dhe boshnjakë dhe kroatë. Gjatë seancës gjyqësore ai ishte shprehur që kishte qenë një nacionalist jugosllav, që kishte pasur për synim bashkimin e të gjithë popujve sllav, duke mos marrur parasysh formën e qeverisjes së shtetit, por kryesorja të çliroheshin nga Austria. Principi vdiq më 28 prill të vitit 1918 nga sëmundja e turbekulozit, si shkak i kushteve jo të mira të burgut.
Vrasja e arkidukës Franc Ferdinandit nga Dora e Zezë e performuar nga ana e Gavrilo Principit, çoi në atë që Austro-Hungaria të bashkëpunojë me kajserin gjerman për ti shpallur luftë Sërbisë. Duke qenë të sigurtë që Rusia cariste nuk do të përfshihej në këtë luftë dhe se do të mundnin Sërbinë shumë shpejt, kalkulimet nuk dolën sikurse u parashikuan.
Lufta e Parë Botërore solli si pasojë vdekjen e diku 10 milionë ushtarëve dhe diku 7.7 milionë civilëve nga të gjitha anët,kurse ngjarja që u bë shkak për gjithë këtë ishte vrasja e arkidukës nga ana e Gavrilo Principit.
