OBRM-PDUKM-ja ka vazhduar protestat e saj për siç thotë mbrojtjen e historisë dhe identitetit. Dhjetëra protestues bllokuan tre udhëkryqe, para Qeverisë, Ministrisë së Punëve të Jashtme dhe Ministrisë së Drejtësisë. Me moton “Dorëheqje për Zaevin, liri për popullin” nga OBRM-PDUKM kërkojnë që Qeveria të mos shesë kombin, gjuhën dhe identitetin maqedonas, sepse OBRM nuk do të njohin asnjë marrëveshje me Bullgarinë që do të dëmtonte historinë e maqedonasve. Rashella Mizrahi, para protestuesve deklaroi se anëtarësimi në BE nuk duhet të bëhet me mosnjohjen e gjuhës dhe identitetit maqedonas.
-Ëndrra evropiane nuk është fshirja e historisë, gjuhës dhe kombit, ëndrra evropiane nuk është përkulja e kurrizit. Evropa nuk dëshiron grimasa të shtrembëruara, aktrim dhe dramë, dëshiron popuj të fuqishëm e të denjë, të suksesshëm e të vlefshëm, dëshiron popuj të bashkuar. Evropa kërkon sistem të vërtetë të drejtësisë, prokurori dhe gjyqësor, ekonomi të vërtetë dhe jo kreditime, Evropa kërkon rend të vërtetë dhe jo aktrime”-tha izraelitja Rashella Mizrahi, pjesë e partisë maqedonase OBRM.
