Aleksandër Vuçiq ka marr kritika të ashpra nga qytetarët serb, për shkak të zhvillimeve të fundit në Kosovë. Sipas Radenko Topaloviq (Radenko Topalović), megjithatë ai përsëri ia ka dalë t’ia shes mjegullën popullit serb, shkruan Fol Drejt.
Në një opinion të publikuar në Danas, Topaloviq e thumbon Vuçiqin duke e quajtur tregëtar të mirë, për të cilin “nuk ka mallra të këqia”. Sipas tij, Vuçiq është mjaftueshëm i aftë, “t’ia shes” çfarëdo që t’i teket opinionit serb:
“Nuk ka mallra të këqija për një shitës të mirë. Edhe për presidentin e Serbisë, pas dhjetë vitesh si përparimtar në pushtet, duket se nuk ka më një histori që nuk mund t’ia shesë masës. E fundit në seri është përgjigja e famshme e KFOR-it për kthimin e ushtrisë serbe në Kosovë.”
Historia e kërkesës për rikthimin e trupave serbe në Kosovë, nuk është vjetruar ende në Beograd. Megjithatë, presidenca qëllimisht po e zvarrit përgjigjen të cilën po e pret ethshëm opinioni serb.
“Kërkesa KFOR-it i është dërguar më 15 dhjetor, në mes të barrikadave, kur publikut iu servir historia për gjendjen e paraluftës në Kosovë” – shkruan Topaloviq, duke shtuar se vëmendjen më pas e mori një histori tjetër me drogë.
Topaloviq te ky artikull shpjegon se si administrata e Vuçiqit po e zvarrit përgjigjen në lidhje me kërkesën e adresuar drejt KFOR-it, pa ndonjë arsye. Prandaj popullit serb i mbeten vetëm dy opsione:
“Ta vënë gishtin në kokë, ose ta vizitojnë një psikiatër!”/FolDrejt/
