Në një postim në llogarinë e tij në Facebook, profesori Beni Kizolli nëpërmjet një postimi në llogarinë e tij të Facebook, ka dhënë një alternativë se si të nxirret sistemi arsimor nga gremina në të cilën ka rënë, shkruan Fol Drejt.
Kizolli, ndër të tjera ka thënë se këtë alternativë e ka menduar me disa kolegë të tij.
Ky është postimi i tij i plotë:
Ka kohë që me disa kolegë bashkëbisedojmë për disa alternativa që mund të ndihmojnë/mundësojnë riorganizimin e sistemit arsimor parauniversitar në vend, të cilat do të kishin siguruar infrastrukturë në reformimin përmbajtjesor të sistemit arsimor.
Rezultatet e testit PISA, ose studimit ndërkombëtar i arsimit që vlerësojnë kompetencat e nxënësve 15-vjeçar në lexim, matematikë dhe shkencë, po e marr si shkas për ta prezantuar mënyrën, nevojën dhe dobitë e një riorganizimit, në disa pika:
1. Mësimi plotësues (kurse individuale në shtëpi) për lëndët: gjuhë shqipe dhe matematikë për nxënësit e klasës së parë dhe klasës së dytë.
– Mësimi plotësues ditor dhe individual, një pedagog maksimum ngarkohet me 5 nxënës.
– Nxënësit nëpërmjet mësimit plotësues mund të përfitojnë nga lëndët: gjuhë shqipe, matematikë dhe një lëndë shtesë.
– Me këtë riorganizim, do të plotësohen njohuritë e nxënësve që kanë vështirësi të nxënies përgjatë mësimit klasor, do të rikthehet vetëbesimi i nxënësve, do të krijohet disiplina e punës individuale të nxënësit si dhe do të rritet përkujdesja/përkushtimi prindëror.
– Gjıshtu do të krijohen edhe 9000 vend pune/angazhim profesional për pedagogët të ri.
– Pedagogëve që i nënshtrohen këtij angazhimi/procesi, duhet të mundësohet një kontratë pune të rregull 3 vjeçare, angazhimi me sukses për tre vite me rresht, do të plotësoj kushtin kryesor të aplikimin/punësimin si pedagog i rregullt.
– Me një mesatare një gjeneratë numëron rreth 22 mijë nxënës, për dy gjenerata arrihet në 45000 nxënës, ku rreth 9000 pedagog (të cilët do kujdesen maksimum për 5 nxënës), ri rrjedhojë ky riorganizim buxhetit do të kishte kushtuar rreth 50 milion euro në vit.
2. Zhvendosje semestrale: duhet të formohen dy kategori të klasave nxënësit me sukses prej 1-3 dhe prej 4-5.
– Në klasat me sukses prej 1-3 për çdo lëndë hynë nga dy pedagog, pedagogu kryesor dhe ndihmës pedagogu.
– Në klasat me suksese prej 4-5, më shumë duhet të orientohen në detyra/obligime të shtëpisë, të organizohen më shumë teste, lexim i rregullt individual, me qëllim të rritjes së disiplinës së punës, kulturës së përgjegjësisë dhe aftësisë së mendimit kritik dhe komunikimit.
– Zhvendosja nxënësve prej një kategori në një kategori bëhet pas vlerësimit semestral, duke filluar nga klasa III-të deri në klasën IX-të, me që rast arsimi shndërrohet edhe si një proces ı garës përgjatë këtyre viteve në shkollë.
– Duke u bazuar në këto dy kategori duhet mësimi duhet të organizohet me dy plan programe.
– Edhe me këtë riorganizim gjithashtu do të krijohen edhe 10000 vend pune/angazhim profesional për pedagogët të ri me kontratë të rregullt, i cili do të kushtoj rreth 60 milion euro.
3. Procesi i filtrimit: Me përfundimin e klasës V-të, duhet të organizohet testi vlerësues për t’i identifikuar lëshimet paraprake nga lëndët gjuhë shqipe dhe matematikë.
– Nxënësit me notat nën 4 duhet të hynë në mësim plotësues gjatë verës për 5 javë, ligjëratat do të mbahen nga arsimtarët të suksesshme ku pagesa duhet të jetë minimum 2-fishi pagës normale.
– Ndërsa pedagogët të klasave që mbi 70% e nxënësve janë me notat nën 4, nënshtrohen trajnimeve/ligjëratave, fillimisht duke ndjekur 10 ditë ligjërata plotësuese nga profesorët universitar, përgjatë pushimeve verore pa pagesë dhe së fundi nënshtrohen provimit për mësimdhënie.
– Pedagogët që nuk arrijnë të kalojnë provimin me sukses prej 30%, lirohen nga puna, ndërsa ata që nuk mund të kalojnë me mbi 50%, i zbritet rroga mujore për 30% deri në provimin tjetër që duhet të organizohet dy herë brenda vitit.
– Gjithashtu edhe me përfundimin e klasës IX-të, organizohet testi vlerësues për t’i identifikuar lëshimet paraprake nga lëndët: gjuhë shqipe, matematikë, kimi, fizik, anglisht.
– Nxënësit me notat nën 3 hynë në mësim plotësues gjatë verës për 5 javë, ligjëratat do të mbahen nga arsimtarët të suksesshme ku pagesa duhet të jetë minimum 2-fishi pagës normale.
– Ndërsa pedagogët të klasave që mbi 70% e nxënësve janë me notat nën 4, nënshtrohen trajnimeve/ligjëratave, fillimisht duke ndjekur 10 ditë ligjërata plotësuese nga profesorët universitar, përgjatë pushimeve verore pa pagesë dhe së fundi nënshtrohen provimit për mësimdhënie.
– Edhe për këtë nivel, pedagogët që nuk arrijnë të kalojnë provimin me sukses prej 30%, lirohen nga puna, ndërsa ata që nuk mund të kalojnë me mbi 50%, i zbritet rroga mujore për 30% deri në provimin tjetër që duhet të organizohet dy herë brenda vitit.
4. Pensionim i hershëm vullnetar ( nga mosha 55 vjeçar), duke filluar me shkollat e mesme, duhet të mundësohet pensionim vullnetar pedagogëve.
– Pedagogët që i plotësojnë vendin e liruar nga pensionimi vullnetar duke vazhduar me 5 vite kontratë me pagë 75%, mund të plotësojnë kushtin kryesor për tu punësuar me kontratë të rregullt.
– Pensionimi vullnetar përfshin pagën e pensionimit si dhe 25% e rrogës bazë.
5. Video Ligjëratat: Për lëndët profesionale në shkollat e mesme të lartë, të krijohen video ligjërata maksimum 15 minuta dhe jetë pjesa hyrëse në çdo orë.
6. Aktivizimi veror: përgjatë muajve të pushimit verore të organizohen aktivitete kulturore, sportive dhe rekreative nga mësimdhënësit e edukatës fizike dhe muzikore. Lëndë që përgjatë vitit akademik nuk duhet të jenë pjesë e mësimit ditor, por ato të zbatohen gjatë pushimit veror: turnire, gara sportive, ecje në mal, programe artistike dhe kulturore etj. Plan programi për këto lëndë të hartohet nga pedagogu, këshilli i prindërve, i nxënësve dhe pjesëtarët e shoqërisë civile duke u bazuar në mundësit, kulturën dhe traditën lokale./FolDrejt/
